భీమదేవరపల్లి: చెన్నూరు ఎమ్మెల్యే వివేక్ వెంకటస్వామి గన్ మన్, హనుమకొండ జిల్లా భీమదేవరపల్లి మండలం ముల్కనూరుకు చెందిన ముష్క రవి తల్లి లచ్చమ్మ అనారోగ్యంతో నిన్న రాత్రి మృతి చెందారు. విషయం తెలుసుకున్న చెన్నూరు ఎమ్మెల్యే గడ్డం వివేక్ వెంకటస్వామి ఇవాళ లచ్చమ్మ మృతదేహానికి నివాళులర్పించారు. లచ్చమ్మ కుమారులైన రవి, రజనీకాంత్ లను ఓదార్చారు. అనంతరం లచ్చమ్మ అంత్యక్రియల్లో ఆయన పాల్గొన్నారు. ఆయన వెంట కాంగ్రెస్ పార్టీ మండల అధ్యక్షుడు చిట్టెంపెల్లి ఐలయ్య, మాజీ ఎంపీపీ అశోక్ ముఖర్జీ, మాజీ ఎంపీటీసీ బొల్లంపల్లి రమేష్ తదితరులున్నారు.
