కోల్బెల్ట్/చెన్నూరు, వెలుగు: చెన్నూరు క్యాంపు ఆఫీస్లో ఎమ్మెల్యే వివేక్ వెంకటస్వామిని బుధవారం రాత్రి పలువురు ముస్లింలు, మతపెద్దలు కలిశారు. ఈ సందర్బంగా ఆయన వారికి ఖర్జూరపండ్లను తినిపించి రంజాన్ శుభాకాంక్షలు తెలిపారు. పెద్దపల్లి ఎంపీగా గడ్డం వంశీకృష్ణను భారీ మెజార్టీతో గెలిపిస్తామని ముస్లింలు పేర్కొన్నారు. కాజీపూర వాడలోని కాంగ్రెస్ కార్యకర్త సలీం ఇంట్లో ఎమ్మెల్యే వివేక్ ఇఫ్తార్విందులో పాల్గొన్నారు.
అనంతరం మాజీ మార్కెట్కమిటీ చైర్మన్ జుల్ఫకర్ ను కలిసి యోగక్షేమాలు తెలుసుకున్నారు. కొత్తగూడెం కాలనీకి చెందిన కార్యకర్త సీర్ల సుధాకర్రెడ్డి నివాసాన్ని సందర్శించారు. ఎమ్మెల్యే వెంట మాజీ కో ఆప్షన్ మెంబర్ ఫయాజ్, ఖాజీ బాషిర్, జమీర్అలీ, అన్వర్, ఇమామ్ షరీప్ తదితరులు పాల్గొన్నారు.
