హన్వాడ, వెలుగు: రైతులకు నాణ్యమైన విద్యుత్ అందిస్తామని మహబూబ్నగర్ ఎమ్మెల్యే యెన్నం శ్రీనివాస్ రెడ్డి తెలిపారు. మండలంలోని ఏనెమీది తండాలో రూ.2.88 కోట్లతో, బుద్ధారం గ్రామంలో రూ.2.92 కోట్లతో చేపట్టనున్న 33/11 కేవీ సబ్స్టేషన్లకు గురువారం శంకుస్థాపన చేశారు. పదేండ్లలో రెండు సబ్స్టేషన్లు ఏర్పాటు చేస్తే, ఏడాదిలో ఆరు సబ్ స్టేషన్లు మంజూరు చేసుకున్నామని చెప్పారు.
విద్యుత్ సమస్య పరిష్కరించేందుకు గొండ్యాల గ్రామంలో సబ్స్టేషన్ ఏర్పాటు చేయనున్నట్లు తెలిపారు. ఇబ్రహీంబాద్, సల్లోనిపల్లి, హన్వాడ, టంకర, కొత్తపేటల్లో టెన్త్ స్టూడెంట్లకు డిజిటల్ కంటెంట్ స్టడీ మెటీరియల్, డబుల్ డెస్క్ బెంచ్ లను అందజేశారు. ఎస్ఈ పీవీ రమేశ్, లైబ్రరీ చైర్మన్ మల్లు నర్సింహారెడ్డి పాల్గొన్నారు.
