- సభలు, సమావేశాలు బంద్
- ఆగిన ప్రచార ఫోన్కాల్స్, మెసేజ్లు
- ఈనెల 27న ఉదయం 8 నుంచి..
- ఎమ్మెల్సీ ఎన్నికల పోలింగ్ ప్రారంభం
యాదాద్రి, సూర్యాపేట, వెలుగు : నల్గొండ, -వరంగల్, -ఖమ్మం పట్టభద్రుల ఎమ్మెల్సీ ఉప ఎన్నికల కీలకమైన ప్రచార ఘట్టం ముగిసింది. కొన్ని రోజులుగా పట్టభద్రులతో సన్నాహక సమావేశాలు నిర్వహణతో ప్రచారం హోరెత్తింది. ప్రధాన పార్టీలైన కాంగ్రెస్ నుంచి ప్రభుత్వ విప్ఆలేరు ఎమ్మెల్యే బీర్ల ఐలయ్య, ఎమ్మెల్యేలు కోమటిరెడ్డి రాజగోపాల్రెడ్డి, కుంభం అనిల్కుమార్రెడ్డి, వేముల వీరేశం, మందుల సామేల్, కాంగ్రెస్ నాయకులుఎమ్మెల్సీ ఎన్నికల ప్రచారం నిర్వహించారు.
బీజేపీ తరఫున ఆ పార్టీ రాష్ట్ర అధ్యక్షుడు జి.కిషన్రెడ్డి, ఎంపీలు బండి సంజయ్, డాక్టర్ కె.లక్ష్మణ్, మాజీ ఎంపీ బూర నర్సయ్యగౌడ్ ప్రచారం చేశారు. బీఆర్ఎస్ నుంచి ఆ పార్టీ వర్కింగ్ ప్రెసిడెంట్ కేటీఆర్, మాజీ మంత్రి గుంటకండ్ల జగదీశ్ రెడ్డి, మాజీ ఎమ్మెల్యేలు పైళ్ల శేఖర్రెడ్డి, గొంగిడి సునీత, గాదరి కిశోర్, ఎంపీ అభ్యర్థి క్యామ మల్లేశ్సహా పలువురు ముఖ్యనేతలు విస్తృతంగా పర్యటించి ప్రచారం నిర్వహించారు. ఎన్నికల కమిషన్ నిబంధనల మేరకు శనివారం సాయంత్రం 4 గంటలకు ప్రచారం నిలిపివేయాల్సినందున ఎక్కడికక్కడ సమావేశాలు నిలిచిపోయాయి.
ఆగిపోయిన ప్రచార ఫోన్కాల్స్, మెసేజ్లు..
మూడు ఉమ్మడి జిల్లాల్లో ఈ ఎన్నిక జరుగుతున్నందున పోటీ చేస్తున్న ప్రధాన పార్టీలైన కాంగ్రెస్, బీజేపీ, బీఆర్ఎస్అభ్యర్థులు తీన్మార్మల్లన్న, ప్రేమేందర్రెడ్డి, ఏనుగుల రాకేశ్ రెడ్డి సహా 52 మంది అభ్యర్థులు ఓటర్లను కలవలేని పరిస్థితి. అందుకే అభ్యర్థులు అందరూ సోషల్మీడియానే ఎక్కువగా నమ్ముకున్నారు. గ్రూప్ కాల్స్చేస్తూ వాయిస్ మెసేస్లతో ఓట్లను అభ్యర్థించారు. దీంతోపాటు బల్క్ మెసేజ్లను పంపుతూ ప్రచారం నిర్వహించారు. వీటితోపాటు ఫేస్బుక్, వాట్సాప్, ఎక్స్, ఇన్స్ట్రా వంటి సోషల్ మీడియాల్లో ప్రచారం చేశారు. శనివారం సాయంత్రం నుంచి సోషల్మీడియా ద్వారా ప్రచారంపై ఎన్నికల కమిషన్నిషేధం విధించింది. దీంతో ఫోన్కాల్స్, బల్క్మెసేజ్లు నిలిచిపోయాయి.
పోలింగ్కు కొన్ని గంటల సమయమే..
ఎమ్మెల్సీ ఉప ఎన్నికల పోలింగ్కు మరికొన్ని గంటల సమయం మాత్రమే ఉంది. ఈనెల 27న (సోమవారం) ఉదయం 8 నుంచి పోలింగ్ప్రారంభంకానుంది. ఇప్పటికే బహిరంగ ప్రచారం ఆగిపోవడంతో ఇంటర్నల్ ప్రచారంపై ఆయా రాజకీయ పార్టీలు దృష్టి పెట్టాయి. తమకు పరిచయమున్న ఓటర్ల ద్వారా ఇతర ఓటర్లను ప్రత్యక్షంగా కలుసుకునే ప్రయత్నాలు ప్రారంభించారు.
సభలు, సమావేశాలు బంద్
ఎమ్మెల్సీ ఎన్నికల ప్రచారం ముగిసిందని యాదాద్రి కలెక్టర్హనుమంతు జెండగే తెలిపారు. ఎన్నికల కమిషన్ నిబంధనల మేరకు పోలింగ్కు 48 గంటల ముందు నుంచి బహిరంగ సభలు, సమావేశాలు, ప్రచారాలు నిలిపివేయాలని చెప్పారు. ఎవరైనా నిబంధనలు ఉల్లంఘించి ప్రచారం నిర్వహిస్తే చట్టప్రకారం చర్యలు తీసుకుంటామని తెలిపారు.
- కలెక్టర్ హనుమంతు జెండగే
