- ఉమ్మడి జిల్లాలో ముదిరాజ్ల నిరసనలు
కోరుట్ల, వెలుగు: ముదిరాజ్‌లను కించపరుస్తూ కామెంట్చేసిన ఎమ్మెల్సీ కౌశిక్ రెడ్డి.. తన పదవికి రాజీనామా చేసి, బహిరంగ క్షమాపణ చెప్పాలని ముదిరాజ్ సంఘ సభ్యులు డిమాండ్ చేశారు. మంగళవారం కోరుట్లలో ముదిరాజ్ సంఘం ఆధ్వర్యంలో కార్గిల్ చౌరస్తాలో ఎమ్మెల్సీ దిష్టిబొమ్మను దహనం చేసి నిరసన తెలిపారు. అనంతరం కౌశిక్రెడ్డిపై చర్యలు తీసుకోవాలని పోలీస్స్టేషన్‌లో ఫిర్యాదు చేశారు.
కరీంనగర్ టౌన్, వెలుగు: ఎమ్మెల్సీ కౌశిక్ రెడ్డిని వెంటనే బర్తరఫ్ చేయాలని రాంనగర్ ముదిరాజ్ సంఘం అధ్యక్షుడు తిప్పరవేణి లక్ష్మణ్ డిమాండ్ చేశారు. కౌశిక్ రెడ్డి వ్యాఖ్యలకు నిరసనగా మంగళవారం కరీంనగర్ రాంనగర్ చౌరస్తాలో కౌశిక్ రెడ్డి దిష్టిబొమ్మను దహనం చేశారు. వీరికి కాంగ్రెస్ నాయకుడు మెన్నేని రోహిత్ రావు మద్దతు తెలిపారు. సంఘం లీడర్లు తిరుపతి, సంపత్, నాగప్రసాద్, హరీశ్‌, కనకయ్య పాల్గొన్నారు.
