కామారెడ్డి, వెలుగు: బోధన్లోని హాస్టల్లో జరిగిన ఘటనలో స్టూడెంట్చనిపోవడం దురదృష్టకరమని ఎమ్మెల్యే కవిత ఆవేదన వ్యక్తం చేశారు. గాంధారి మండలం తిప్పారం తండాలో హత్యకు గురైన డిగ్రీ స్టూడెంట్బన్సీ వెంకట్కుటుంబ సభ్యులను మంగళవారం పరామర్శించారు. అనంతరం కామారెడ్డి సమీపంలో కవిత మీడియాతో మాట్లాడారు. బోధన్ హాస్టల్లో విద్యార్థి మర్డర్ ఘటన ప్రభుత్వ నిర్లక్ష్య ధోరణికి నిదర్శనమన్నారు.
ప్రభుత్వంలో ఇప్పటి వరకు విద్యాశాఖ మంత్రి లేకపోవడం దురదృష్టకరమన్నారు. రేవంత్రెడ్డికి కేసీఆర్ ను విమర్శించడం తప్పా వేరే పని లేదన్నారు. హాస్టల్స్లో హోంగార్డులను సెక్యూరిటీగా పెట్టాలన్నారు. మృతుడు వెంకట్ కుటుంబంలో ఒకరికి ప్రభుత్వ ఉద్యోగం, నష్టపరిహారం, ఇల్లు, అతడి తల్లికి ఫించన్ ఇవ్వాలని డిమాండ్ చేశారు. బీజేపీ, కాంగ్రెస్ పార్టీలు ఒకటేనని, నిన్నటి ఆదిలాబాద్సభలో రేవంత్రెడ్డి మోదీని పెద్దన్న అని సంబోధించడంతో నిజం బయటపడిందన్నారు. బడ్జెట్లో తెలంగాణకు ఒక్క రూపాయి కూడా కేటాయించలేదని, ఈ విషయమై సీఎం ఎందుకు ప్రశ్నించలేదన్నారు. ఎల్లారెడ్డి మాజీ ఎమ్మెల్యే జాజాల సురేందర్, పార్టీ జిల్లా ప్రెసిడెంట్ ముజీబోద్దీన్, లీడర్లు నిట్టు వేణుగోపాల్రావు, వేణుగోపాల్గౌడ్, ప్రేమ్కుమార్, తానాజీరావు, ప్రభాకర్రెడ్డి తదితరులు పాల్గొన్నారు.
