- అండగా ఉన్న ప్రజలను ప్రతిసారి ముంచిన గాంధీలు
- వారితోనే తెలంగాణకు తీరని మోసం
- బోధన్ సెగ్మెంట్ రోడ్ షోలో ఎమ్మెల్సీ కవిత
నిజామాబాద్, వెలుగు: కాంగ్రెస్ లీడర్ రాహుల్గాంధీ హైదరాబాద్ బిర్యానీ, పాన్ తినడానికి వచ్చిన గెస్ట్ అని, ఇందుకోసం ఎప్పుడైనా రావొచ్చని ఎమ్మెల్సీ కవిత ఎద్దేవా చేశారు. ఆదివారం ఆమె బోధన్ సెగ్మెంట్లోని నవీపేట, ఎడపల్లి మండలాల్లో జరిగిన రోడ్షోలో, అర్బన్లోని 50వ డివిజన్లో మాట్లాడారు. నమ్మిన ప్రతిసారి తెలంగాణ ప్రజలను గాంధీ కుటుంబీకులు మోసం చేశారని విమర్శించారు. రాష్ట్ర ఏర్పాటు ఆలస్యం కావడం వల్లే వందలాది మంది ఆత్మబలిదానాలు చేసుకున్నారన్నారు.
కాంగ్రెస్ గవర్నమెంట్ ఉన్నప్పుడు మత ఘర్షణలు జరిగేవని, సీఎం కేసీఆర్ వచ్చాక పదేండ్లలో ఎక్కడా లా అండ్ఆర్డర్ ఇష్యూ రాలేదన్నారు. ప్రశాంతంగా జీవిస్తున్న ప్రజల మధ్య చిచ్చు పెట్టడానికి కాంగ్రెస్ ప్రయత్నిస్తోందన్నారు.
ముస్లింలను ఓట్ల కోసం మాత్రమే వాడుకున్నారన్నారు. కేసీఆర్ గరవ్నమెంట్వచ్చాక మైనార్టీల కోసం రూ.13 వేల కోట్లు ఖర్చు చేశామన్నారు. 2.31 లక్షల గవర్నమెంట్జాబ్స్భర్తీకి నోటిఫికేషన్లు ఇచ్చామని, ప్రైవేటు రంగంలో 30 లక్షల మంది యువతకు ఉద్యోగాలు కల్పించామన్నారు. మంచి వాళ్లను ఎన్నుకుందామా? ముంచెటోళ్లను ఎన్నుకుందామా? ఓటర్లే ఆలోచించాలన్నారు. తము మరోసారి అధికాకంలోకి రాగానే పెద్ద ఎత్తున డబుల్ బెడ్ రూమ్ ఇండ్లు నిర్మించి ఇస్తామన్నారు.అభ్యర్థులు షకీల్, గణేశ్గుప్తా పాల్గొన్నారు.
