నిజామాబాద్, వెలుగు: రైతు బంధును ఆపాలని ఎన్నికల కమిషన్కు కాంగ్రెస్ లెటర్రాసిందని, ఆ ఒక్క స్కీం ఆపితే చాలా లేదంటే పేదలకు ఇచ్చే బియ్యం, అవ్వల ఆసరా పింఛన్ కూడా అందులో చేర్చాలా అని ఎమ్మెల్సీ కవిత ప్రశ్నించారు. కల్యాణలక్ష్మి, షాదీముబారక్ లాంటి స్కీంలు ఆపే కుట్ర కూడా చేస్తున్నారంటూ మండిపడ్డారు. ఈ సారి ఎన్నికలు రైతులకు, రాహుల్గాంధీకి మధ్య జరుగుతున్నాయన్నారు. గురువారం ఆమె నిజామాబాద్లో మీడియాతో మాట్లాడారు.
ప్రభుత్వం అమలు చేస్తున్న పథకాలు కాంగ్రెస్కు కొత్త గా కనిపిస్తున్నట్లున్నయ్. అందుకే అడ్డుకుంటున్నది. రాహుల్గాంధీ వచ్చి తెలంగాణ ప్రజలకు గ్యారంటీలు ఇస్తే నమ్ముతరా. కాంగ్రెస్పాలిత రాష్ట్రాల్లో యువతకు జాబ్క్యాలెండర్ఎక్కడ ప్రకటించారో చెప్పాలె. రైతుల కంటే మాకు ఏదీ ఎక్కువకాదు. వారు వద్దనడంతో కామారెడ్డి మాస్టర్ప్లాన్ నాలుగు నెలల కిందే ఆపినం’ అని ఆమె పేర్కొన్నారు. పాలిటిక్స్లో జంప్జిలానీలు పెరిగారు. పగోడు, పాలోడు తెలుస్తలే, ఒక్క కేసీఆర్ను ఓడించడానికి సమీకరణాలు ఎలా మారుతున్నాయో గమనించాలని, కోమటిరెడ్డి రాజ్గోపాల్రెడ్డిని ఉదహరిస్తూ కామెంట్చేశారు.
కేసీఆర్ను గెలిపించేది ప్రజలే
కామారెడ్డి నుంచి కేసీఆర్ గెలుపు ఉమ్మడి జిల్లా అభివృద్ధిని మలుపు తిప్పుతుందని కవిత అన్నారు. ‘కేసీఆర్ రాష్ట్రమంతా ప్రచారం చేస్తరు. ఆయన గెలుపు కోసం నిత్యం ప్రజల్లో ఉండే కార్యకర్తలు కష్టపడ్తరు. అంతిమంగా గెలిపించేది ప్రజలే. గజ్వేల్లో ఈటల రాజేందర్పోటీ చేసినా గెలుపు కేసీఆర్దే. కోరుట్లలో పోటీ చేస్తున్న అర్వింద్ను ఓడిస్తం. మా కార్యకర్తలు ఆ విషయాన్ని నిజం చేసి చూపిస్తరు. బీజేపీ పట్ల ప్రజలకు నమ్మకం లేదు. ఓబీసీ బిల్లును పార్లమెంటులో ఎప్పుడూ ప్రవేశపెట్టినా బీఆర్ఎస్మద్దతిస్తుంది’ అని అన్నారు.
