హైదరాబాద్, వెలుగు: రాష్ట్రంలో లౌకికవాదాన్ని కాపాడుకోవాల్సిన అవసరం ఉందని బీఆర్ఎస్ ఎమ్మెల్సీ కవిత అన్నారు. లౌకికవ్యతిరేక శక్తులకు వ్యతిరేకంగా తమ పోరాటం కొనసాగుతుందన్నారు. కాంగ్రెస్ ఏడాది పాలనలో ఎన్నో చోట్ల మతకలహాలు రేగాయని, ప్రజలు ప్రశాంతంగా జీవించే పరిస్థితి లేకుండా పోయిందని విమర్శించారు.
మంగళవారం తెలంగాణ ఫుడ్స్ మాజీ చైర్మన్ మేడే రాజీవ్సాగర్, క్రిస్టియన్ జేఏసీ ప్రతినిధులు, బీఆర్ఎస్ నేతలు ముఠాగోపాల్తదితరులు ఆమెను కలిశారు. ఈ సందర్భంగా కవిత మాట్లాడుతూ.. సమాజాన్ని విచ్ఛిన్నం చేసే శక్తుల పట్ల జాగ్రత్తగా ఉండాలన్నారు. బీజేపీ మత విద్వేషాలకు అడ్డుకట్ట వేయాలన్నారు. స్థానిక సంస్థల ఎన్నికల్లో రిజర్వేషన్లను పెంచాలని ప్రభుత్వాన్ని డిమాండ్ చేశారు. బీసీ మహిళలకు కోటా కల్పించేందుకు కూడా తాము పోరాటం చేస్తున్నామని చెప్పారు. దేశవ్యాప్తంగా జరుగుతున్న బీసీ ఉద్యమాలకు మద్దతిస్తున్నామని తెలిపారు.
