ధర్పల్లి, వెలుగు: కాంగ్రెస్ పార్టీ ఎన్నికల్లో ఇచ్చిన హామీలను తుంగలో తొక్కి ఆరు గ్యారంటీల అమలులో పూర్తిగా విఫలం అయిందని ఎమ్మెల్సీ కవిత అన్నారు. మాజీ ఆర్టీసీ రాష్ట్ర చైర్మన్ బాజిరెడ్డి గోవర్దన్ తో కలిసి ధర్పల్లి మండలంలోని రామడుగులో బీఆర్ఎస్ మండలాధ్యక్షుడు మహిపాల్ యాదవ్ కూతురు ఎంగేజ్మెంట్ కార్యక్రమానికి హాజరయ్యారు. ఈ సందర్భంగా ఎమ్మెల్సీ కవిత మాట్లాడుతూ.. రేవంత్రెడ్డి ప్రభుత్వం రైతుభరోసా, రుణమాఫీ, పథకాలు పూర్తిగా అమలు చేయడంలో విఫలమైందని కాంగ్రెస్ పాలనతో ప్రజలు విసిగిపోయారన్నారు.
కేసీఆర్ పాలనలో రైతులు, అన్నీ వర్గాల ప్రజలు సంతోషంతో ఉన్నారన్నారు. నాలుగు స్కీంలను సెక్రటెరియేట్ లోని ఏసీ రూముల్లో కూర్చుని లబ్ధిదారులను ఎంపిక చేశారని ఆరోపించారు. కార్యక్రమంలో మాజీ జడ్పీటీసీ సభ్యుడు, బీఆర్ఎస్ నాయకులు తదితరులు పాల్గొన్నారు.
