నిజామాబాద్, వెలుగు: ఈ అసెంబ్లీ ఎన్నికలు బీఆర్ఎస్ చేసిన అభివృద్ధికి, కాంగ్రెస్ అరాచకానికి మధ్య జరుగుతున్నాయని ఎమ్మెల్సీ కవిత చెప్పారు. టీపీసీసీ రేవంత్ రెడ్డి పిట్ట బెదిరింపులకు భయపడేవారేరూ లేరని హెచ్చరించారు. బుధవారం సాయంత్రం నిజామాబాద్లో కవిత మీడియాతో మాట్లాడారు. కాంగ్రెస్కు 80 సీట్ల కంటే తక్కువ వస్తే ఏ శిక్షకైనా రెడీ అని రేవంత్ సవాల్విసరడం హాస్యాస్పదం అన్నారు.
గత ఎన్నికల్లో కొడంగల్లో ఓడితే రాజకీయ సన్యాసం తీసుకుంటానని చెప్పిన మాట ఏమైందని కవిత ప్రశ్నించారు. కాంగ్రెస్ఏ రాష్ట్రంలో అధికారంలోకి వచ్చినా.. అక్కడ మూడు నెలల్లో రాజకీయ అస్థిరత్వం ఏర్పడుతోందన్నారు. కర్ణాటక సీఎం సిద్ధరామయ్య, డిప్యూటీ సీఎం శివకుమార్మధ్య కోల్డ్వార్ నడుస్తుంటే, సతీశ్అనే ఎమ్మెల్యే తాను సీఎం అవుతానంటున్నారన్నారు. రాజస్థాన్ లో అశోక్గెహ్లాట్, సచిన్పైలెట్ ఎప్పుడూ కొట్లాడుకుంటారని ఎద్దేవా చేశారు.
మధ్యప్రదేశ్లో కమల్ నాథ్, జ్యోతిరాదిత్య సింధియా కొట్లాటతో ఏడాదిలో గవర్నమెంట్కూలిందన్నారు. పూటకో సీఎం తెలంగాణకు అక్కర్లేదని కవిత చెప్పారు. సుస్థిరత ఉంటేనే పెట్టుబడులు వస్తాయని, అభివృద్ధి సాధ్యమని తెలిపారు. నెహ్రూ ఎస్సారెస్పీ ప్రాజెక్టును మొదలుపెడితే సీఎం కేసీఆర్ పూర్తి చేశారన్నారు. జిల్లా అంతటా తిరిగి చూస్తే పంటల విస్తీర్ణం ఎంత పెరిగిందో రేవంత్కు అర్థమవుతుందన్నారు.
కేసీఆర్ పెంచిన రిజర్వేషన్తో గిరిజన స్టూడెంట్లకు ఉన్నత విద్య అందుతోందన్నారు. 3,300 గిరిజన తండాలను గ్రామ పంచాయతీలుగా మార్చిన ఘనత తమదేనన్నారు. అల్లర్లు ఆపిన పోలీసులకు రేవంత్రెడ్డి వార్నింగ్ఇవ్వడమేంటని కవిత ప్రశ్నించారు. రౌడీయిజం, గుండాయిజాన్ని ప్రోత్సహించే వారికి పట్టం కట్టొద్దని కోరారు. ఆమె వెంట మేయర్నీతూ కిరణ్ఉన్నారు.
