- షకీల్ను మరోసారి ఎమ్మెల్యేగా గెలిపించాలి
బోధన్, ;వెలుగు: కేసీఆర్స్కీమ్లను యువత ప్రజల్లో తీసుకెళ్లి, వారిలో చైతన్యం కలిగించాలని ఎమ్మెల్సీ కవిత సూచించారు. గురువారం బోధన్ లోని శక్కర్నగర్లో జరిగిన నియోజకవర్గ యువగర్జన సభలో ఆమె మాట్లాడారు. హనుమంతుడి గుడిలేని ఊరు, కేసీఆర్పథకాల లబ్ధి పొందని ఇల్లు ఉండదన్నారు. ఎమ్మెల్యే షకీల్ను 50 వేల మెజార్టీతో గెలిపించాలని కవిత పిలుపునిచ్చారు. కొట్లాడి తెచ్చుకున్న తెలంగాణలో నీళ్లు, నిధులు, ఉద్యోగాలు వచ్చాయన్నారు. ఉమ్మడి రాష్ట్రంలో కాంగ్రెస్ హయాంలో 2004 నుంచి 2014 వరకు 24 వేల ఉద్యోగాలు భర్తీ చేస్తే, అందులో 10 వేల మందికే తెలంగాణ వారికి ఉద్యోగాలొచ్చాయన్నారు.
ప్రత్యేక రాష్ట్రంలో 2 లక్షల 30 వేల ఉద్యోగాలకు నోటిఫికేషన్లు ఇచ్చి,లక్షా 60 వేల ఉద్యోగాలు భర్తీ చేశామన్నారు. బోధన్లో కాంగ్రెస్ అభ్యర్థి సుదర్శన్రెడ్డి గతంలో ఇరిగేషన్ మంత్రిగా పనిచేసినా బోధన్కు ఎలాంటి ప్రయోజనం చేకూర్చలేదన్నారు. సీఎం కేసీఆర్ తెలంగాణ ప్రజల కోసం రైతు బంధు, కల్యాణలక్ష్మి, షాదీముబారక్, దళితబంధు, బీసీ బంధు లాంటి అనేక పథకాలు అమలు చేసి, వివిధ వర్గాల అభ్యున్నతికి పాటుపడ్డారన్నారు. కార్యక్రమంలో ఎమ్మెల్యే షకీల్, బీఆర్ఎస్ టౌన్ ప్రెసిడెంట్రవీంద్ర యాదవ్, జడ్పీవైస్చైర్మన్ రజిత యాదవ్, డీసీసీబీ డైరెక్టర్లు గిర్దవార్గంగారెడ్డి, శరత్, మున్సిపల్ వైస్ చైర్మన్ సోహెల్ తదితరులు పాల్గొన్నారు.
ALSO READ : బీఆర్ఎస్ నిరుద్యోగులను మోసం చేసింది : బోగ శ్రావణి
