హాలియా, వెలుగు: అనుముల మండలం శ్రీనాథ పురంలో శ్రీకృష్ణ బీపీఈడీ కాలేజీలో నిర్వహించిన నాగార్జునసాగర్ నియోజకవర్గ స్థాయి పంచాయతీ కార్యదర్శుల క్రికెట్ టోర్నమెంట్ పోటీలను బుధవారం లోకల్ బాడీ ఎమ్మెల్సీ ఎంసీ. కోటిరెడ్డి ప్రారంభించారు. గత నాలుగు సంవత్సరాలుగా పంచాయతీ కార్యదర్శుల ఆధ్వర్యంలో క్రికెట్ పోటీలు నిర్వహించటం అభినందనీయమన్నారు.
అనంతరం ఆయన బ్యాటింగ్ చేసి క్రీడాకారులను ఉత్తేజ పరిచారు. ఈ కార్యక్రమంలో పంచాయతీ కార్యదర్శుల సంఘం జిల్లా అధ్యక్షుడు ఎస్.కె కాశీం, తెలంగాణ రాష్ట్ర పంచాయతీ కార్యదర్శుల సంఘం కోశాధికారి ఘనపురం నిరంజన్, సీనియర్ రిటైర్డ్ వ్యాయామ ఉపాధ్యాయులు సత్యనారాయణ రాజు, కొండల్ యాదవ్ పాల్గొన్నారు.
