షాద్ నగర్, వెలుగు: సీఎం రేవంత్ రెడ్డి జనవరి 31న మొగిలిగిద్దకు రానున్న నేపథ్యంలో చించోడ్, మొగిలిగిద్దను రెండు మండలాలుగా ప్రకటిస్తే వేదికపైనే ప్రభుత్వానికి రూ.2 కోట్ల చెక్కును అందజేస్తానని మహబూబ్ నగర్ ఎమ్మెల్సీ నవీన్ కుమార్ రెడ్డి అన్నారు.
షాద్నగర్లో బుధవారం ఆయన మాట్లాడారు. 150 ఏళ్ల చరిత్ర కలిగిన మొగిలిగిద్ద ప్రభుత్వ పాఠశాల వార్షికోత్సవానికి సీఎం రేవంత్ రెడ్డిని మనస్ఫూర్తిగా స్వాగతిస్తున్నామన్నారు. గతంలో ప్రస్తుత ఎమ్మెల్యే వీర్లపల్లి శంకర్ మొగిలిగిద్ద గ్రామాన్ని మండలంగా చేయాలని దీక్ష చేశారని తెలిపారు.
