నేడు, రేపు ఫ్లిప్‌‌కార్ట్‌‌లో సేల్ ఎలక్ట్రానిక్స్, యాక్ససరీస్‌‌పై కూడా డిస్కౌంట్లు
అంతర్జాతీయ మహిళా దినోత్సవం సందర్భంగా ఈకామర్స్ దిగ్గజం ఫ్లిప్కార్ట్ స్మార్ట్ఫోన్లపై బంపర్ ఆఫర్లు ప్రకటించింది. నేడు, రేపు రెండు రోజుల పాటు ఉమెన్స్ డే సేల్‌‌‌‌ను నిర్వహిస్తోంది. ఈ సేల్‌‌‌‌లో భాగంగా హానర్ 9ఎన్, నోకియా 6.1 ప్లస్, శాంసంగ్ గెలాక్సీ నోట్ 8, వివో వి9 ప్రొ, శాంసంగ్ గెలాక్సీ ఎస్8, మోటోరోలా వన్ వపర్ వంటి స్మార్ట్‌‌‌‌ఫోన్లను డిస్కౌంట్లను టీజ్ చేసింది. కేవలం స్మార్ట్‌‌‌‌ఫోన్లపైనేకాక, ఎలక్ట్రానిక్ ప్రొడక్ట్స్, యాక్ససరీస్‌ పై కూడా 80 శాతం డిస్కౌంట్ అందుబాటులో ఉంచింది. ఈ సేల్ కోసం ఫ్లిప్కార్ట్, బజాజ్ ఫిన్‌‌‌‌సర్వ్‌‌‌‌తో భాగస్వామ్యం కుదుర్చుకుంది. ఈ భాగస్వామ్యంలో నోకాస్ట్ ఈఎంఐ ఆప్షన్లను అందిస్తోంది.
మొబైల్ ఫోన్లపై ఆఫర్లు… ఫ్లిప్‌‌‌‌కార్ట్‌‌‌‌లోని ఉమెన్స్ డే సేల్ పేజీలో టీజ్ చేసిన ఆఫర్ల ప్రకారం హానర్ 9ఎన్ స్మార్ట్‌‌‌‌ఫోన్ రూ.9,999 ధరకే అందుబాటులో ఉంది. ఈ స్మార్ట్‌‌‌‌ఫోన్ లాంచింగ్ ధర రూ.11,999. నోకి యా 6.1 ప్లస్ స్మార్ట్‌‌‌‌ఫోన్ ధర కూడా ఈ సేల్‌‌‌‌లో రూ.15,499 నుంచి రూ.13,999కు తగ్గింది. అదేవిధంగా వివో వీ9 ప్రొ స్మార్ట్‌‌‌‌ఫోన్ రూ.13,990కే లభ్యమవుతోంది. రియల్‌‌‌‌మీ 2 ప్రో స్మార్ట్‌‌‌‌ఫోన్ ధర రూ.12,990 నుంచి ప్రారంభమవుతోంది. రియల్‌‌‌‌మీ 2 స్మార్ట్‌‌‌‌ఫోన్ 4జీబీ ర్యామ్ వేరియంట్‌‌‌‌ను ఈ సేల్‌‌‌‌లో రూ.9,499కే ఆఫర్ చేస్తోంది.
