హైదరాబాద్, వెలుగు: రాష్ట్రంలోని మోడల్ స్కూళ్లలో ప్రవేశాలకు ఈ నెల 27న అడ్మిషన్ టెస్టు నిర్వహిస్తున్నట్టు మోడల్ స్కూల్ అడిషనల్ డైరెక్టర్ శ్రీనివాస్చారి తెలిపారు. ఆదివారం ఉదయం 10 గంటల నుంచి మధ్యాహ్నం12 గంటల వరకు ఆరో తరగతి అడ్మిషన్ల కోసం, ఏడు నుంచి టెన్త్ వరకు ఖాళీగా ఉన్న సీట్ల కోసం మధ్యాహ్నం 2 గంటల నుంచి సాయంత్రం 4 గంటల వరకు ఎగ్జామ్ ఉంటుందని చెప్పారు.
అన్ని జిల్లా కేంద్రాల్లో పరీక్షలు నిర్వహిస్తామని పేర్కొన్నారు. అయితే, ఈ అడ్మిషన్ టెస్టు కోసం మొత్తంగా 40,332 అప్లికేషన్లు వచ్చాయని పేర్కొన్నారు. ఆరో తరగతి సీట్ల కోసం 23,945 మంది, ఏడో తరగతికి 6,793 మంది, 8వ తరగతి సీట్ల కోసం 5,249, నైన్త్ క్లాస్ కోసం 3,436, టెన్త్ క్లాస్ కోసం 909 మంది అప్లై చేసుకున్నారని వివరించారు.
