నాగర్ కర్నూల్ టౌన్, వెలుగు : ఈనెల 16న నాగర్ కర్నూల్ ల్కు ప్రధాని మోదీ వస్తున్నట్లు బీసీ కమిషన్ మాజీ సభ్యుడు ఆచారి తెలిపారు. మంగళవారం నెల్లికొండ చౌరస్తా, ఉయ్యాలవాడ ప్రాంతాల్లో సభ ఏర్పాట్లను పరిశీలించారు. ఈ సందర్భంగా ఆయన మాట్లాడుతూ బీజేపీ అభ్యర్థి పోతుగంటి భరత్ కు మద్దతుగా ఎన్నికల ప్రచార సభలో ప్రధాని పాల్గొంటారని తెలిపారు. ప్రధాని మొదటిసారి నాగర్ కర్నూల్కు రావడం సంతోషకరమన్నారు.
కేంద్ర ప్రభుత్వ నిధులతో నాగర్‌‌‌‌‌‌‌‌కర్నూల్ హైవే, సోమశిల- సిద్దేశ్వరం బ్రిడ్జి పనులు జరుగుతున్నాయని చెప్పారు. భూత్పూర్, శ్రీశైలం హైవే, గద్వాల నుంచి సూర్యాపేట వరకు రైల్వే లైన్ విషయాన్ని ప్రధాని దృష్టికి తీసుకెళ్తానని తెలిపారు. మోదీ సభకు అన్నివర్గాల ప్రజలు తరలివచ్చి సక్సెస్ చేయాలని కోరారు. బీజేపీ జిల్లా అధ్యక్షుడు సుధాకర్ రావు, వనపర్తి జడ్పీ చైర్మన్ లోకనాథ్ రెడ్డి, డీసీసీబీ డైరెక్టర్ జక్కా రఘునందన్ రెడ్డి, రాష్ట్ర కార్యవర్గ సభ్యుడు దిలీపాచారి పాల్గొన్నారు.
