భిక్కనూరు,వెలుగు: డ్రంకెన్ డ్రైవ్ కేసులో ఇద్దరికి జైలుశిక్ష విధించినట్లు ఎస్సై సాయికుమార్ తెలిపారు.ఆయన తెలిపిన ప్రకారం గురువారం రాత్రి భిక్కనూరు చర్చి సమీపంలో డ్రంకెన్ డ్రైవ్ నిర్వహించామన్నారు. నర్సన్నపల్లి గ్రామానికి చెందిన సంజీవులు, వడ్లూరు ఎల్లారెడ్డికి చెందిన మహ్మద్ జమీలోద్దిన్ మద్యం తాగి బైక్ నడుపుతూ పోలీసులకు పట్టుబడినట్లు తెలిపారు.
శుక్రవారం జిల్లా కోర్టులో హాజరు పరచగా ద్వితీయశ్రేణి న్యాయమూర్తి ప్రతాప్ మూడు రోజుల జైలుశిక్షతో పాటు రూ.200 జరిమానా విధించినట్లు ఎస్సై పేర్కొన్నారు.
