మ‌ల‌యాళ సూపర్ స్టార్ మోహన్ లాల్(Mohan lal) ప్రధాన పాత్రలో వచ్చిన లూసిఫర్(Lucifer) మూవీ ఎంత పెద్ద విజయం సాధించిందో ప్రత్యేకంగా చెప్పాల్సిన పనిలేదు. 2019లో ప్రేక్షకుల ముందుకు వచ్చిన ఈ సినిమాకు నటుడు పృద్విరాజ్ సుకుమారన్(Prithviraj Sukumaran) దర్శకత్వం వహించగా.. ఇండస్ట్రీ హిట్ గా నిలిచింది ఈ సినిమా. గ్యాంగ్ స్టర్ బ్యాక్డ్రాప్ లో వచ్చిన ఈ సినిమాకు మళయాళ ఆడియన్స్ ఫిదా అయ్యారు. ఇక మోహన్ లాల్ స్క్రీన్ ప్రెజన్స్ అయితే నెక్స్ట్ లెవల్ అని చెప్పాలి. ఇప్పటికీ ఆ సినిమాకు చాలా మంది ఫ్యాన్స్ ఉన్నారు.
దీంతో ఈ సినిమాకు కొన‌సాగింపుగా ఇప్పుడు ‘ఎల్2ఇ: ఎంపురాన్ (L2E: Empuraan) సినిమాను ప్రకటించారు మేకర్స్. మోహన్ లాల్, పృథ్వీరాజ్ సుకుమారన్ కాంబోలో రానున్న ఈ సినిమాకు సంబందించిన అఫీషియల్ అనౌన్స్మెంట్ ఇస్తూ కాన్సెప్ట్ వీడియోను కూడా రిలీజ్ చేశారు. అప్పడు ఒక లాంగ్వేజ్ లో రిలీజైన సినిమా ఇప్పుడు పాన్ ఇండియా లెవల్లో తెరకెక్కనుంది. ప్రస్తుతం ఈ వీడియో సోషల్ మీడియాలో వైరల్ గా మారింది. ఈ ఒక్క వీడియోతో సినిమాపై అంచనాలు నెక్స్ట్ లెవల్ కు చేరుకున్నాయి. నిజానికి మోహన్ లాల్ ఫ్యాన్స్ కూడా ఈ సీక్వెల్ కోసం చాలా కాలంగా ఎదురుచూస్తున్నారు. ఇప్పుడు ఈ సీక్వెల్ మొదలవడంతో ఫ్యాన్స్ ఫుల్ ఖుషీ అవుతున్నారు. ఇక ఈ సినిమా రెగ్యులర్ షూటింగ్ అక్టోబర్ 5 నుండి మొదలుకానుంది. మరి 2019లో ఇండస్ట్రీ హిట్ గా నిలిచిన ఈ సినిమాకు ఇప్పుడు ఎలాంటి రిజల్ట్ వస్తుందో చూడాలి.
