సోషల్ మీడియా సెన్సేషన్‌ మోనాలిసా భోస్లే తన ఫస్ట్ మూవీకి సైన్ చేసింది. ప్రయాగ్‌‌‌‌రాజ్‌‌‌‌లో జరుగుతున్న కుంభమేళాలో పూసలమ్ముకుంటున్న మోనాలిసా.. సోషల్ మీడియా కారణంగా ఓవర్ నైట్‌ ఇండియా వైడ్‌‌‌‌గా పాపులర్ అయిన విషయం తెలిసిందే. ఆమె అందానికి ఫిదా అయిన చాలామంది నెటిజన్స్‌.. తనలో హీరోయిన్ లక్షణాలు పుష్కలంగా ఉన్నాయని, తను హీరోయిన్ అవ్వాలని కోరుకున్నారు.
ఈ నేపథ్యంలో దర్శకుడు సనోజ్ మిశ్రా.. ‘ది డైరీ ఆఫ్‌ మణిపూర్‌’ అనే చిత్రంతో ఆమెను హీరోయిన్‌‌‌‌గా పరిచయం చేయబోతున్నట్టు ప్రకటించాడు. తాజాగా ఆయన స్వయంగా మోనాలిసా ఇంటికి వెళ్లి, ఆమె కుటుంబాన్ని ఒప్పించి ఈ మూవీకి సైన్ చేయించాడు. తెరపై ఆమెను అద్భుతంగా చూపించబోతున్నానని, షూటింగ్‌‌‌‌కు ముందే ముంబైలో ఆమెకు యాక్టింగ్‌ ట్రైనింగ్‌ ఇవ్వబోతున్నట్టు చెప్పాడు.
ఇందుకు సంబంధించిన వీడియోను సనోజ్ మిశ్రా సోషల్ మీడియాలో పోస్ట్ చేశాడు. ఏప్రిల్‌‌‌‌లో షూటింగ్ ప్రారంభించి అక్టోబర్‌‌‌‌‌‌‌‌లో రిలీజ్ చేసేందుకు ప్లాన్ చేస్తున్నారు. బాలీవుడ్ హీరో రాజ్ కుమార్ రావ్ సోదరుడు అమిత్ రావ్ ఇందులో హీరోగా నటించబోతున్నట్టు తెలుస్తోంది.
