- వలస కూలీ బిడ్డకు ఎంబీబీఎస్ ఫ్రీ సీటు
- హాస్టల్ఫీజు, అకడమిక్ బుక్స్కొనేందుకు పైసల్ లేవ్
మహబూబ్నగర్/హన్వాడ, వెలుగు: వలస కూలీ బిడ్డకు ఎంబీబీఎస్ ఫ్రీ సీటు దక్కింది. కానీ హాస్టల్ఫీజు, అకడమిక్ బు క్స్కొనేందుకు డబ్బులు లేకపోవడంతో చదువు ఎక్కడ ఆగిపోతుందోనని ఆందోళనకు గురవుతోంది. మహబూబ్నగర్ జిల్లా హన్వాడ మండలం కారంతండా గ్రామ పంచాయతీకి చెందిన సబావత్ శంకర్నాయక్, శాంతిబాయి వలస కూలీలు. పుణెలో భవన నిర్మాణ కార్మికులుగా చేసేవారు. వీరికి ఒక కూతురు, ఇద్దరు కొడుకులు ఉన్నారు. పిల్లలు తమలా కూలీలుగా మారొద్దని కష్టపడి చదివిస్తున్నారు. 2018లో శంకర్ అనారోగ్యానికి గురయ్యాడు. బోన్ క్యాన్సర్తో చనిపోయాడు. శాంతిబాయి ప్రస్తుతం పుణెలో కొందరి ఇళ్లల్లో పాచి పని చేస్తోంది. నెలకు రూ.12 వేలు సంపాదిస్తోంది. ఇందులో రూ.10 వేలు పిల్లలకు పంపి రూ.2 వేలతో ఆమె సర్దుకుంటోంది. కొడుకులు రోహన్, రోహిత్ హైదరాబాద్లోని ఎస్టీ హాస్టల్లో డిగ్రీ, ఇంటర్ చదువుతున్నారు. ప్రీతి చిన్నాన్న ఇంట్లో ఉంటోంది.
ఏడాదికి రూ. 1.7 లక్షలు కావాలె
ప్రీతి ఫస్ట్ నుంచి టెన్త్ వరకు హైదరాబాద్లోని ప్రైవేట్ స్కూల్లో చదివింది. తండ్రి చనిపోయేటప్పటికి టెన్త్ చదువుతోంది. తర్వాత మహబూబాబాద్లోని కురవి గురుకులంలో ఫ్రీ సీట్సాధించి ఇంటర్ పూర్తి చేసింది. అదే టైంలో నీట్ పరీక్ష రాయగా 189 మార్కులు వచ్చాయి. రెండోసారి రాజేంద్రనగర్ గురుకులంలో కోచింగ్ తీసుకోగా 355 మార్కులు వచ్చాయి. గత ఏడాది ఇంట్లోనే ప్రిపేర్అయ్యింది. ఇటీవల విడుదలైన రిజల్ట్స్లో 409 మార్కులతో 1,67,839 ర్యాంకు సాధిం చింది. సూరారంలోని మల్లారెడ్డి మెడికల్కాలేజ్ఫర్ ఉమెన్స్లో సీటు లభించింది. కానీ ఎంబీబీఎస్ చదవడానికి ఏడాదికి రూ.1.70 లక్షలు అవసరం అవుతున్నాయి. ఇందులో రూ.లక్ష హాస్టల్లో ఉండేందుకు, రూ.30 వేలు లైబ్రరీ ఫీజ్, రూ.50 వేలు అకడమిక్ పుస్తకాల కొనుగోలుకు అవసరం. ఇలా ఐదేళ్లలో రూ.8.50 లక్షలు అవసరం కానున్నాయి. కానీ ప్రీతి తల్లి వద్ద అంత డబ్బు లేదు. భర్త క్యాన్సర్ట్రీట్మెంట్కోసం గతంలో రూ.4 లక్షల వరకు అప్పు చేసింది. బిడ్డను ఎంబీబీఎస్ చదివించే స్తోమత లేక పెండ్లి చేయాలని అనుకుంటోంది. దీంతో తన చదువు మధ్యలోనే ఆగిపోతుందని ప్రీతి ఆందోళన చెందుతోంది. దాతలు ఆర్థిక సాయం చేసి ఎంబీబీఎస్ చదివేందుకు చేయూత అందించాలని కోరుతోంది. ప్రీతి అకౌంట్నంబర్40723178075, ఐఎఫ్ఎస్సీ: SBIN0020608.
