లేటెస్ట్ సెక్యూరిటీ ఫీచర్లతో తీసుకొచ్చిన ఉడాయ్
న్యూఢిల్లీ: ఆధార్కార్డును మరింత సులువుగా ఉపయోగించుకునేలా క్రెడిట్ కార్డు సైజులో పీవీసీ కార్డు రూపంలో దీనిని యూనిక్ ఐడెంటిఫికేషన్ అథారిటీ ఆఫ్ ఇండియా (ఉడాయ్) తీసుకొచ్చింది. పాలివినిల్ క్లోరైడ్ కార్డు (పీవీసీ కార్డు)ను పర్సులోనే పెట్టుకొని ఎక్కడికి అంటే అక్కడికి తీసుకెళ్లొచ్చు. ఇందులో ఎన్నో సెక్యూరిటీ ఫీచర్ల ఉండటంతోపాటు సాధారణ కార్డుతో పోలిస్తే ఎక్కువ కాలం మన్నుతుంది. వేగంగా వెరిఫై చేసుకోవచ్చు. ఆన్లైన్లో రూ.50 చెల్లించి ఆర్డర్ చేస్తే దాదాపు వారంలోపే పోస్ట్మ్యాన్ తెచ్చిస్తాడు.
ఇందులోని ప్రత్యేకతలు:
నాణ్యమైన ప్రింటింగ్, లామినేషన్ వల్ల ఆకర్షణీయంగా కనిపిస్తుంది. ఎక్కువకాలం మన్నుతుంది.
దీనిపై హోలోగ్రామ్, గులోచ్ ప్యాటర్న్, ఘోస్ట్ ఇమేజ్, మైక్రోటెక్ట్స్ ఉండటం వల్ల డూప్లికేట్ తయారు చేయడం కష్టం.
ఇది పూర్తిగా వెదర్ ప్రూఫ్. అంటే నీరుపడ్డా, దుమ్ము అంటినా ఏమీ కాదు. ఎక్కడికైనా తీసుకెళ్లొచ్చు. పాడవుతుందనే బాధ అక్కర్లేదు.
క్యూఆర్ కోడ్ కూడా ఉంటుంది కాబట్టి వెంటనే ఆఫ్లైన్ వెరిఫికేషన్ సాధ్యమవుతుంది.
ఇష్యూ డేట్, ప్రింట్ డేట్ కూడా ఉంటాయి. ఉబ్బి కనిపించేలా ఆధార్ లోగోను ముద్రించారు. ఆధార్తో మొబైల్ నంబర్ రిజిస్టర్ కాని వాళ్లు కూడాపీవీసీ కార్డును ఆర్డర్ చేయవచ్చు.
ఇది వరకే ఆధార్కార్డు కోసం దరఖాస్తు చేసుకున్న వాళ్లు ట్రాకింగ్ కోసం www.uidai.gov.in లింకును ఓపెన్ చేసి మై ఆధార్ ట్యాబ్పై క్లిక్ చేయాలి. తిరిగి చెక్ ఆధార్ పీవీసీ కార్డ్ ట్యాబ్పై క్లిక్ చేస్తే స్టేటస్ తెలుస్తుంది.
For More News..
