న్యూఢిల్లీ: ఐపీఓ కోసం మరిన్ని కంపెనీలు రెడీ అవుతున్నాయి. హైదరాబాద్కు చెందిన ఆర్డీ ఇంజనీరింగ్ లిమిటెడ్ ఐపీఓ కోసం సెబీకి డాక్యుమెంట్లు అందజేసింది. పబ్లిక్ఇష్యూ ద్వారా రూ.580 కోట్లు సేకరించనుంది. ఓఎఫ్ఎస్ ద్వారా ప్రమోటర్ మోటూరు చంద్రశేఖర్షేర్లు అమ్ముతారు. ప్రీ–ఐపీఓ ప్లేస్మెంట్ రౌండ్ద్వారా రూ.100 కోట్లు సేకరించాలని కంపెనీ భావిస్తోంది. ఈ ప్లేస్మెంట్పూర్తయితే ఫ్రెష్ఇష్యూ సైజు తగ్గుతుంది.
స్టడ్స్ యాక్సెసరీస్
టూవీలర్ల హెల్మెట్ల తయారీ సంస్థ స్టడ్స్ యాక్సెసరీస్ లిమిటెడ్ కూడా ఐపీఓ కోసం సెబీకి డాక్యుమెంట్లను అందజేసింది. ఈ పబ్లిక్ ఇష్యూ ఫ్రెష్ఇష్యూ ఉండదు. ఆఫర్ ఫర్ సేల్ విధానంలో 77,86,120 షేర్లను విక్రయించనుంది.
పేస్ డిజిటెక్
టెలికాం పాసివ్ ఇన్ఫ్రాస్ట్రక్చర్ ప్రొవైడర్ పేస్ డిజిటెక్ లిమిటెడ్ ఐపీఓ ద్వారా రూ. 900 కోట్లు సమీకరించడానికి సెబీ డాక్యుమెంట్లను సమర్పించింది. బెంగళూరుకు చెందిన ఈ కంపెనీ ఐపీఓ పూర్తిగా ఫ్రెష్ ఇష్యూ విధానంలో ఉంటుంది. కంపెనీ ప్రీ–ఐపీఓ ప్లేస్మెంట్ రౌండ్ ద్వారా రూ. 180 కోట్లు సమీకరించవచ్చు. ఇష్యూ నుంచి వచ్చిన ఆదాయంలో రూ. 630 కోట్లను మూలధన ఖర్చులకు, సాధారణ కార్పొరేట్ ప్రయోజనాలకు వాడనుంది.
