మంచిర్యాల, వెలుగు: మంచిర్యాల జిల్లాలో టీచర్ల ప్రమోషన్లలో జరిగిన అక్రమాలకు డీఈవోనే బాధ్యుడని డీటీఎఫ్ జిల్లా అధ్యక్షుడు ఆసంపల్లి రమేశ్, ప్రధాన కార్యదర్శి మోతె జయకృష్ణ ఆరోపించారు. స్కూల్ అసిస్టెంట్ మ్యాథ్స్, ఫిజికల్ సైన్స్, ఇంగ్లిష్, పీఎస్హెచ్ఎంలలో ఒక్కో టీచర్కు రెండు పోస్టింగులు, చనిపోయిన వారికి ప్రమోషన్లు కల్పించడం విచిత్రమని అన్నారు.
దీనివల్ల ప్రమోషన్ వరుసక్రమంలో ఉన్న టీచర్లు నష్టపోవాల్సి వస్తోందన్నారు. డైరెక్టర్ ఆఫ్ స్కూల్ ఎడ్యుకేషన్ నుంచి వచ్చిన లిస్ట్ను జిల్లా అధికారులు సరిచేసి సరైన లిస్ట్ను పంపాల్సిన బాధ్యత డీఈవోదేనని పేర్కొన్నారు. ప్రమోషన్లలో సీనియారిటీని డీఎస్సీ ర్యాంక్ ప్రకారం తీసుకోవాల్సి ఉండగా జాయినింగ్ డేట్ ఆధారంగా చేసుకొని డీఈవో తీవ్ర నష్టం చేశారన్నారు. డీఈవోపై శాఖాపరమైన చర్యలు తీసుకోవాలని కోరుతూ కలెక్టర్ కుమార్ దీపక్కు బుధవారం మెమోరాండం అందజేశారు.
