బెల్లంపల్లి రూరల్, వెలుగు: ఉన్న భూమినంతా లాక్కొని తల్లికి తిండి పెట్టకుండా కొడుకులు కూలిపోయే గుడిసెలో వదిలేశారు. వృద్ధాప్యంలో అండగా ఉండాల్సిన కొడుకులు.. తమ వల్ల కాదు పొమ్మని పట్టించుకోవడం లేదు. దీంతో దిక్కుతోచని స్థితిలో ఉన్న ఆ వృద్ధురాలు పోలీసులను ఆశ్రయించింది. వివరాల్లోకి వెళ్తే... మంచిర్యాల జిల్లా నెన్నెల మండలం నందులపల్లి గ్రామానికి చెందిన రాంటెంకి చిన్నక్క మంగళవారం తన ముగ్గురు కొడుకులు తనను పట్టించుకోవడం లేదని , బుక్కెడు అన్నం కూడా పెట్టడం లేదని పోలీస్స్టేషన్లో ఫిర్యాదు చేసింది. తన భర్త రాజయ్య ఐదేండ్ల కింద చనిపోయాడని, అప్పటి నుంచి కొడుకులు తనను పోషించడం లేదని చీటికి, మాటికి కొడుతూ ఇంట్లో నుంచి వెళ్లిపొమ్మని వేధిస్తున్నారని వాపోయింది. నెన్నెల ఎస్ఐ ప్రసాద్ ఎదుట కన్నీటిపర్యంతమైంది. తనకు న్యాయం చేసి దారి చూపించాలని వేడుకుంది. స్పందించిన ఎస్ఐ ముగ్గురు కొడుకులతో ఫోన్లో మాట్లాడి బుధవారం పోలీస్స్టేషన్కు రావాలని ఆదేశించారు. కొడుకులకు కౌన్సిలింగ్ ఇచ్చి వృద్దురాలికి న్యాయం జరిగేలా చూస్తానని ఎస్ఐచెప్పారు.
తండ్రిని పోషించడం లేదని..
గొల్లపల్లి: తనను పోషించడం లేదని ఓ తండ్రి ఫిర్యాదుతో కొడుకుపై కేసు నమోదు చేసినట్లు ఎస్ఐ సతీశ్‌ తెలిపారు. జగిత్యాల జిల్లా గొల్లపల్లి మండలం వెనుగుమట్ల గ్రామానికి చెందిన గొల్లపల్లి చిన్న కోటగౌడ్‌కు కొడుకు శ్రీనివాస్గౌడ్ఉన్నాడు. భార్య గతంలోనే చనిపోగా, ఒంటరిగా ఉంటున్న తనను కొడుకు పోషించడం లేదని ఫిర్యాదు చేసినట్లు ఎస్ఐ తెలిపారు.
