- ఠానా మెట్లెక్కిన వృద్ధురాలు
కొడిమ్యాల, వెలుగు : కొడుకు, కోడలు బువ్వ పెడ్తలేరని ఓ వృద్ధురాలు గురువారం పోలీస్స్టేషన్మెట్లెక్కింది. జగిత్యాల జిల్లా కొడిమ్యాల మండలం కొనాపూర్ కు చెందిన మధురమ్మ(80)కు కొడుకు, ఇద్దరు బిడ్డలున్నారు. భర్త ఇదివరకే చనిపోగా బిడ్డలకు పెండ్లిళ్లు చేసి పంపింది. కొడుకు మల్లేశం, సుజాత దగ్గర మధురమ్మ ఉంటోంది. గురువారం కొడిమ్యాల పీఎస్కు వచ్చిన మధురమ్మ కొన్ని నెలలుగా తనకు కొడుకు, కోడలు అన్నం పెట్టడం లేదని, వేధిస్తున్నారని పోలీసులకు ఫిర్యాదు చేసింది.
తన పేరుపై ఉన్న 60 గుంటల భూమిని కొడుకు వేరొకరికి కౌలుకు ఇచ్చి తనను పట్టించుకోవడం లేదని కంప్లయింట్చేసింది. ఎస్ఐ సందీప్ కొడుకు, కోడల్ని పిలిపించి న్యాయం చేస్తానని మధురమ్మకు చెప్పారు.
