- హాస్టళ్లలో నల్లాలకు మోటర్లు పెట్టి నీటి దోపిడీ..
- అమీర్ పేట, ఎస్ఆర్నగర్,దిల్సుఖ్నగర్, కూకట్పల్లిలో ఇదే పని
- కమర్షియల్ కాంప్లెక్స్లు, హాస్టళ్లలో మోటార్ల వేట
- స్పెషల్ డ్రైవ్ నిర్వహిస్తున్న వాటర్బోర్డు
- కమర్షియల్ బిల్డింగుల్లోనూ డొమెస్టిక్ కనెక్షన్లు ఉన్నట్టు గుర్తింపు
- హాస్టళ్లలో నల్లాలకు మోటర్లు పెట్టి నీటి దోపిడీ
- అమీర్ పేట, ఎస్ఆర్నగర్,దిల్సుఖ్నగర్, కూకట్పల్లిలో ఇదే పని
హైదరాబాద్ సిటీ, వెలుగు: ‘మోటార్ ఫ్రీ ట్యాప్స్’ పేరుతో అపార్ట్మెంట్లు, ఇండ్లల్లో స్పెషల్డ్రైవ్నిర్వహిస్తున్న వాటర్బోర్డు అధికారులు తాజాగా కమర్షియల్ కాంప్లెక్సులు, హాస్టళ్లను కూడా తనిఖీ చేస్తున్నారు. కూకట్పల్లి, సమతానగర్, మాదాపూర్, నారాయణగూడ, ఎస్ఆర్నగర్, అమీర్పేట, మధురానగర్, అడ్డగుట్టలోని పలు ప్రాంతాల్లో తనిఖీలు నిర్వహించి మోటార్లు పెట్టి నీళ్లను గుంజుతున్న వారిని గుర్తించారు. మోటార్లను సీజ్చేశారు. కొందరు రూల్స్కు విరుద్ధంగా కమర్షియల్ కనెక్షన్ను డొమెస్టిక్ కనెక్షన్ పేరిట నడిపిస్తున్నట్టు గుర్తించారు. ఈ కనెక్షన్లకు మోటర్లను బిగించి నీళ్లను తోడుతున్నట్టు తెలుసుకున్నారు.
ఇండ్లల్లో హాస్టళ్లు.. డొమెస్టిక్ కనెక్షన్లు
ఎస్ఆర్నగర్, అమీర్ పేట, దిల్సుఖ్నగర్, కూకట్పల్లి తదితర ప్రాంతాల్లోని హాస్టళ్లలో ఇటీవల వాటర్బోర్డు అధికారులు తనిఖీలు నిర్వహించారు. కొందరు ఇండ్లను హాస్టళ్లుగా మార్చి, డొమెస్టిక్కనెక్షన్లతోనే నీటిని వాడుతున్నట్లు గుర్తించారు. నీళ్లు సరిపోకపోవడంతో ఆ కనెక్షన్లకు మోటార్లను బిగించి తోడుకోవడం చూసి అధికారులు అవాక్కయ్యారు. కొందరిపై కేసులు నమోదు చేశారు. ఇండ్లలో హాస్టళ్లు నిర్వహిస్తున్న కొందరు నీళ్లు సరిపోక.. రోజుకు మూడు వాటర్ట్యాంకర్లు బుక్చేస్తున్నారు.
లోప్రెషర్సమస్యలపై 12 వేల ఫిర్యాదులు
మెట్రో వాటర్బోర్డు కస్టమర్కేర్కు నాలుగు నెలలుగా లో ప్రెషర్పై విపరీతమైన ఫిర్యాదులు వస్తున్నాయి. గత సంవత్సరంతో పోల్చుకుంటే ఈసారి ఈ ఫిర్యాదులు 20 శాతం పెరిగాయి. లో ప్రెషర్పై ఈ సంవత్సరం జనవరి 1 నుంచి ఏప్రిల్19 వరకు సుమారు 12 వేల ఫిర్యాదులు వచ్చాయి. దీంతో ఎండీ అశోక్రెడ్డి లో ప్రెషర్సమస్యపై దృష్టి సారించి మోటార్లు పెడితే సీజ్చేసి జరిమానాలు విధిస్తున్నారు. ఈ తనిఖీల్లో కొందరు 2 హెచ్పీ మోటార్లు పెట్టి మరీ నీటిని తోడేస్తున్నట్టు గుర్తించారు. ఐదు రోజుల్లో 134 మోటార్లను సీజ్చేయడంతో పాటు 164 మందికి జరిమానాలు వేశారు.
