- కేసీఆర్, కేటీఆర్, కవితను బీజేపీ దగ్గరకు రానీయదు
- కాంగ్రెస్ పార్టీలోనే బీఆర్ఎస్ ఎమ్మెల్యేలు విలీనం
- నిజామాబాద్ ఎంపీ అర్వింద్
నిజామాబాద్, వెలుగు: ఎన్నికల్లో గట్టెక్కడానికి అమలు చేయలేని హామీలిచ్చిన సీఎం ఇప్పుడు ప్రతిదానిని వాయిదా వేస్తున్నారని నిజామాబాద్ఎంపీ అర్వింద్ ధర్మపురి విమర్శించారు. 2.55 లక్షల మందిలో 30 శాతం మందికి మాత్రమే రుణమాఫీ చేశారన్నారు. సీఎంగా వైఎస్రాజశేఖర్రెడ్డి ఉన్న కాలంలో పాటించిన పద్ధతి ఫాలో కావాలన్నారు.
షరతులులేని మాఫీని అన్నదాతలందరికీ వర్తింపజేయాలని డిమాండ్ చేశారు. కేసీఆర్ చేసిన మోసాలు, అబద్ధాలు గ్రహించే ప్రజలు ఆయన్ను తరిమేశారని ఆయన రంధ్రాలు పడ్డ చిప్పను స్టేట్కు ఇచ్చివెళ్లారన్నారు. కాగా, రుణమాఫీ కోసం శనివారం ఛలో ఆర్మూర్ పేరుతో రైతులు తలపెట్టిన ధర్నాకు బీజేపీ తరపున మద్దతు ప్రకటిస్తున్నట్లు అర్వింద్వెల్లడించారు.
బీజేపీలో బీఆర్ఎస్ విలీనం అసాధ్యం
కేసీఆర్, కేటీఆర్, కవితను బీజేపీ దగ్గరకు కూడా రానీయదని అర్వింద్ అన్నారు. ఆయా రాజకీయ పార్టీల పక్షాన గెలిచిన ఎమ్మెల్యేలు బీజేపీలోకి రావాలనుకుంటే మొదట పదవులకు రిజైన్ చేసే రావాలన్నారు. బీఆర్ఎస్ నుంచి గెలిచిన ఎమ్మెల్యేలు కొందరు కాంగ్రెస్లో చేరారని, కాబట్టి బీఆర్ఎస్ కాంగ్రెస్లో విలీనమైనట్లేనని అన్నారు.
ALSO READ : నిమ్స్లో ఫ్రీ వాటర్ఏటీఎం ప్రారంభం
రాష్ట్రంలోని ఏ ఎన్నికలు జరిగినా గెలిపించే లీడర్నే బీజేపీ రాష్ట్ర అధ్యక్షుడిని చేయాలన్నారు. పార్టీ స్టేట్వైస్ ప్రెసిడెంట్పల్లె గంగారెడ్డి, మున్సిపల్ ఫ్లోర్ లీడర్ స్రవంతిరెడ్డి, పోతన్కర్ లక్ష్మీనారాయణ, పంచరెడ్డి ప్రవళిక, శంకర్, తిరుపతిరెడ్డి ఉన్నారు.
