మాక్లూర్, ఆర్మూర్, వెలుగు: పదేండ్ల పాటు రాష్ట్రాన్ని పాలించిన కల్వకుంట్ల కుటుంబం రూ.లక్షల కోట్ల దోపిడీకి పాల్పడిందని నిజామాబాద్ ఎంపీ ధర్మపురి అర్వింద్ ఆరోపించారు. మాక్లూర్ మండలంలోని మామిడిపల్లి, ఆర్మూర్ మున్సిపల్ పరిధిలోని మామిడిపల్లి వద్ద నిర్మిస్తున్న రైల్వే ఓవర్ బ్రిడ్జి పనులను బుధవారం ఆయన పరిశీలించారు.
బ్రిడ్జి నిర్మాణ పనుల్లో ఎందుకు డిలే చేస్తున్నారంటూ సంబంధిత ఆఫీసర్లపై ఆగ్రహం వ్యక్తం చేశారు. ఆర్వోబీ నిధులను గత బీఆర్ఎస్ప్రభుత్వం పక్కదారి పట్టించిందన్నారు. బ్రిడ్జి పనులను త్వరగా పూర్తి చేయాలని ఆదేశించారు. ఆర్మూర్ ఎమ్మెల్యీ రాకేశ్రెడ్డి పాల్గొన్నారు.
