గంగాధర, వెలుగు: ఉద్యోగులు, టీచర్లను ఇబ్బందులకు గురిచేస్తున్న 317 జీఓను రాష్ట్ర ప్రభుత్వం సవరించాలని బీజేపీ జాతీయ ప్రధాన కార్యదర్శి, ఎంపీ బండి సంజయ్ డిమాండ్చేశారు. జీఓను వ్యతిరేకిస్తూ సీఎస్ ఆఫీస్ముందు ఉద్యోగులు పడిగాపులు కాస్తున్నా పట్టించుకోరా? అని మండిపడ్డారు. సోమవారం కరీంనగర్ జిల్లా గంగాధర మండలం చర్లపల్లి(ఎన్)లో అభివృద్ధి పనుల ప్రారంభోత్సవం సందర్భంగా సంజయ్మీడియాతో మాట్లాడారు. 317జీఓపై కాంగ్రెస్ ప్రభుత్వ వైఖరి ఏంటో తెలియజేయాలని డిమాండ్చేశారు.
ఈ జీవోను సవరించాలని బీజేపీ ఎంతో పోరాడిందని, తన ఆఫీసులో నిరసనకు దిగితే పోలీసులు గ్యాస్ కట్టర్లతో గేట్లను ధ్వంసం చేసి తనను అరెస్ట్ చేశారని గుర్తుచేశారు. గతంలో కాంగ్రెస్ నేతలు జీఓను సవరించాలని డిమాండ్చేసినట్లు గుర్తుచేశారు. కేసీఆర్ ప్రభుత్వ మూర్ఖత్వం కారణంగా ఉద్యోగులు, ఉపాధ్యాయులు చెట్టుకొకరు, పుట్టకొకరయ్యారని ఆవేదన వ్యక్తం చేశారు. అలాగే గంగాధర మండలంలోని నారాయణపూర్ రిజర్వాయర్ఆయకట్టుకు సాగునీటిని విడుదల చేయాలని కలెక్టర్ పమేలా సత్పతి, ఇరిగేషన్ ఎస్ఈ శ్రీనివాస్గుప్తాను కోరారు. వారితో ఫోన్లో మాట్లాడి రైతుల ఇబ్బందులు తెలియజేశారు. కార్యక్రమంలో సర్పంచ్ పొట్టాల కనుకయ్య, నాయకులు పాల్గొన్నారు.
