పిట్లం, వెలుగు: జహీరాబాద్ ఎంపీ బీబీ పాటిల్కు త్రుటిలో ప్రమాదం తప్పింది. ఎన్నికల ప్రచారంలో పాల్గొనడానికి ఆయన గురువారం తన కారులో హైదరాబాద్ నుంచి కామారెడ్డి జిల్లా బిచ్కుందకు వస్తున్నారు. జుక్కల్ చౌరస్తా వద్ద ఓ బైక్ ఆయన కారుకు అడ్డం వచ్చింది. బైక్ను తప్పించబోయే క్రమంలో ఎంపీ కారు డివైడర్ను ఢీకొట్టింది.
ఈ ప్రమాదంలో కారు ముందు టైర్లు పంక్చర్ అయ్యాయి. ఎంపీకి ఎలాంటి ప్రమాదం జరగకపోవడంతో అంతా ఊపిరి పీల్చుకున్నారు. తర్వాత మరో వెహికల్లో ఆయన ప్రచారానికి వెళ్లారు.
