సుల్తానాబాద్, వెలుగు: పెద్దపల్లి జిల్లా సుల్తానాబాద్ మండలం రామునిపల్లి, సుద్దాల గ్రామాల్లోని రామాలయాల్లో బుధవారం పెద్దపల్లి ఎమ్మెల్యే విజయరమణారావు, పెద్దపల్లి ఎంపీ అభ్యర్థి గడ్డం వంశీకృష్ణ ప్రత్యేక పూజలు చేశారు. ఈ సందర్భంగా ఆలయ కమిటీ సభ్యులు ఎమ్మెల్యే, ఎంపీ అభ్యర్థులను ఆహ్వానించి శాలువాలతో సన్మానం చేశారు. అనంతరం ఎమ్మెల్యే విజయరమణారావు, ఎంపీ అభ్యర్థి గడ్డం వంశీకృష్ణ మాట్లాడుతూ నియోజకవర్గంలోని ప్రజలంతా సుఖసంతోషాలతో ఉండాలని, వర్షాలు బాగా పడి పంటలు పండాలని కోరినట్లు తెలిపారు. ఈ కార్యక్రమంలో జడ్పీటీసీ మినుపాల స్వరూపప్రకాశరావు, అన్నయ్యగౌడ్, చిలుక సతీశ్, ఉనుకొండ శ్రీధర్పటేల్, భూమయ్య పాల్గొన్నారు.
రామగుండానికి పూర్వ వైభవం రావాలి
గోదావరిఖని: సీతారాముల దీవెనలతో రామగుండం నియోజకవర్గ ప్రజలు సుఖ సంతోషాలతో ఉండాలని, రామగుండానికి పూర్వ వైభవం రావాలనికాంగ్రెస్ ఎంపీ అభ్యర్థి వంశీకృష్ణ అన్నారు ఎమ్మెల్యే రాజ్ఠాకూర్ దంపతులతో కలిసి ఆయన గోదావరిఖనిలోని కోదండ రామాలయంలో బుధవారం జరిగిన కల్యాణంలో వారు పాల్గొన్నారు.
