నిజామాబాద్, వెలుగు: బాల్కొండ నుంచి పోటీ పడ్తున్న మంత్రి ప్రశాంత్రెడ్డి ఎమ్మెల్సీ కవితను పొగుడుతుంటే, ఆమె మాత్రం కాంగ్రెస్ క్యాండిడేట్ సునీల్రెడ్డిని పొగడడంతో ప్రశాంత్రెడ్డి బిత్తరపోతున్నారని ఎంపీ అర్వింద్ ఎద్దేవా చేశారు. మంగళవారం కలెక్టరేట్లో దిశా మీటింగ్తర్వాత ఆయన మీడియాతో మాట్లాడారు.. ప్రశాంత్రెడ్డి మంత్రిగా ఉండడం బాధాకరమని, కవితతో కలిసి ఆయన అవినీతికి పాల్పడుతున్నారని ఆరోపించారు. వాళ్లడిగే కమీషన్లకు భయపడి జిల్లాకు ఒక్క పరిశ్రమ రావడం లేదన్నారు.
తనతో కవిత పోటీ చేసేలా మంత్రి ప్రశాంత్రెడ్డి ఆమెను ఒప్పించాలని, ఆమెను మూడో స్థానానికి పరిమితం చేస్తానన్నారు. డెవలెప్మెంట్పేరుతో చేయిస్తున్న పనులకు బిల్లులు చెల్లించడం లేదని ఎంపీ పేర్కొన్నారు. కమీషన్లు వచ్చే పనులు మాత్రమే చేయించి అన్ని వ్యవస్థలను భ్రష్టు పట్టించారన్నారు. అంతకుముందు దిశా మీటింగ్లో మాట్లాడుతూ.. కేంద్ర ప్రభుత్వం ఫండ్స్తో జిల్లాలో చేసిన పనులకు స్టేట్సర్కార్పబ్లిసిటీ పొందడం ఏమిటని ఫైర్ అయ్యారు. శిలాఫలకాలపై కేంద్ర ఫండ్స్ వివరాలు రాయించాలని కలెక్టర్రాజీవ్గాంధీ హన్మంతును కోరారు. దిశా మీటింగ్లో అదనపు కలెక్టర్లు చిత్రామిశ్రా, యాదిరెడ్డి, నగర పాలక కమిషనర్ మంద మకరంద్ పాల్గొన్నారు.
