- యువతలో స్కిల్స్ను పెంచాలి
- సీఐఐ మీటింగ్లో ఎంపీ వంశీకృష్ణ
హైదరాబాద్, వెలుగు: ప్రపంచంలోనే అత్యధిక యువ శ్రామిక జనాభా మనదేశంలో ఉందని, అయితే చిన్న పట్టణాల్లోని యూత్కు తగిన ఉద్యోగాలు దొరకడం లేదని పెద్దపల్లి ఎంపీ, పారిశ్రామివేత్త గడ్డం వంశీకృష్ణ అన్నారు. ఈ పరిస్థితిని మార్చడానికి పరిశ్రమలను చిన్న నగరాలకు తీసుకురావాలన్నారు. లేకపోతే నిరుద్యోగం పెరుగుతుందని ఆయన చెప్పారు.
సీఐఐ హైదరాబాద్లో శనివారం నిర్వహించిన సమావేశంలో ఆయన మాట్లాడుతూ తన సొంత నియోజకవర్గం పెద్దపల్లే ఇందుకు ఉదాహరణ అని, ఎంతో చదువుకున్న లోకల్ యూత్ ఆటో డ్రైవర్ల వంటి చిన్న ఉద్యోగాలు చేస్తున్నారని అన్నారు.
‘‘యువతకు ఉద్యోగాలను కల్పించడానికి సీఐఐతో కలిసి పనిచేస్తాం. ఈ విషయంలో తమిళనాడు మనకు స్ఫూర్తిదాయకం కావాలి. యువతలో నైపుణ్యం పెంపుదలకు ఆ రాష్ట్రం చాలా చేసింది. అక్కడి ఆటో నిపు ణులు ఇక్కడికి వచ్చి పనిచేస్తున్నారు.
మనమూ అలాంటి ట్యాలెంట్ను తయారు చేసుకోవాలి. మనం ఎంతగా భారీ పెట్టుబడులు పెట్టినా తగిన ట్యాలెంట్ దొరకకుంటే వేస్ట్. నైపుణ్యం పెంచడానికి సీఐఐ చేస్తున్న ప్రయత్నాలకు నా వంతు సహకారం ఉంటుంది.
నేను ‘ఇన్వెస్ట్ ఇన్ పెద్దపల్లి’ అనే కార్యక్రమం కూడా చేపట్టాను. మా దగ్గర బొగ్గు, సిరామిక్ సహా చాలా సహజవనరులు ఉన్నాయి. వీటితో ఎన్నో పరిశ్రమలు పెట్టవచ్చు”అని వివరించారు. ఈ కార్యక్రమంలో ఎంపీ కొండా విశ్వేశ్వర రెడ్డి, సీఐఐ తెలంగాణ పబ్లిక్ పాలసీ టాస్క్ఫోర్స్ చైర్మన్ శేఖర్ రెడ్డి, మాజీ చైర్మన్ రాజు కిర్బీ పాల్గొన్నారు.
