- రామగుండం రైల్వే స్టేషన్ ఆధునికీకరణ పనులు త్వరగా పూర్తి చేయాలి
- రామగుండం అభివృద్ధికి అన్ని విధాలుగా సహకరిస్తానని హామీ
గోదావరిఖని/ పెద్దపల్లి, వెలుగు: సింగరేణి, ఎన్టీపీసీ కార్మికుల సమస్యలను పార్లమెంట్లో ప్రస్తావించి, వాటిని పరిష్కరించేందుకు కృషి చేస్తానని పెద్దపల్లి ఎంపీ గడ్డం వంశీకృష్ణ తెలిపారు. మంగళవారం ఎన్టీపీసీ జ్యోతిభవన్లో కాంట్రాక్టు కార్మిక సంఘాల జేఏసీ లీడర్లు ఎంపీని కలిసి వినతిపత్రం అందజేశారు. 2018లో చేసుకున్న ఒప్పందాన్ని, ప్రమోషన్పాలసీని అమలు చేయాలని, ఆరోగ్యంగా ఉన్న కార్మికులను వయసుతో సంబంధం లేకుండా ఉద్యోగంలో కొనసాగించాలని, గేట్పాస్ను ఏడాది కాలం పాటు కొనసాగించాలని విజ్ఞప్తి చేశారు. ఈ అంశాలపై ఎన్టీపీసీ ఉన్నతాధికారులతో చర్చించి పరిష్కరించాలని కోరారు. ఈ సందర్భంగా వంశీకృష్ణ మాట్లాడుతూ.. సింగరేణి, ఎన్టీపీసీ కార్మికులకు సొంత ఇండ్ల స్కీమ్, ఐటీ మినహాయింపు అంశాలపై పార్లమెంట్లో మాట్లాడతానని హమీ ఇచ్చారు.
ఆయన వెంట ఐఎన్టీయూసీ నేషనల్సీనియర్ జనరల్ సెక్రటరీ బాబర్ సలీం పాషా, కార్పొరేటర్కొలిపాక సుజాత, జేఏసీ లీడర్లు ఉన్నారు. కాగా, రామగుండం రైల్వే స్టేషన్ను ఎంపీ వంశీకృష్ణ ఆకస్మికంగా సందర్శించారు. స్టేషన్లో జరుగుతున్న ఆధునికీకరణ పనులను పరిశీలించారు. పనులు త్వరితగతిన పూర్తి చేయాలని ఆఫీసర్లను ఆదేశించారు. మార్చిలోగా పనులు పూర్తవుతాయని ఎంపీకి రైల్వే ఆఫీసర్లు వివరించారు. ఈ కార్యక్రమంలో రైల్వే బోర్డు మెంబర్అనుమాస శ్రీనివాస్, రైల్వే ఆఫీసర్ ఎంకే గుప్తా, ఆర్పీఎఫ్ సీఐ సురేశ్గౌడ్, కమర్షియల్ సీఐ కార్తీక్, స్టేషన్ సూపరింటెండెంట్మీనా పాల్గొన్నారు.
గోదావరిఖనిలో మార్నింగ్ వాక్..
గోదావరిఖని సింగరేణి జవహర్ లాల్ నెహ్రూ స్టేడియంలో వాకర్స్తో కలిసి ఎంపీ వంశీకృష్ణ మార్నింగ్ వాక్ చేశారు. ఈ సందర్భంగా వాకర్స్ ఎంపీని శాలువాతో సత్కరించారు. స్టేడియంలో వాకింగ్ట్రాక్ తో పాటు వాకర్స్ కూర్చునేందుకు విశాక చారిటబుల్ ట్రస్ట్ ద్వారా బెంచీలు ఏర్పాటు చేస్తానని హామీ ఇచ్చారు. గోదావరిఖనిలో సెంట్రల్ లైబ్రరీ ఏర్పాటు కోసం కృషి చేస్తానని తెలిపారు. 15 రోజుల క్రితం గోదావరిఖని సప్తగిరి కాలనీలోని మహాత్మా జ్యోతిబాపూలే స్కూల్లో పర్యటించిన సమయంలో సిమెంట్బెంచీలు కావాలని స్టూడెంట్లు అడగ్గా, వాటిని ఎంపీ అందజేశారు.
ఈ సందర్భంగా స్కూల్ ప్రిన్సిపాల్ శిరీష, టీచర్లు ఎంపీని ఘనంగా సత్కరించారు. కాగా, సుందిళ్ల లక్ష్మీనర్సింహ స్వామి టెంపుల్లో ఎంపీ వంశీకృష్ణ ప్రత్యేక పూజలు నిర్వహించారు. గోదావరిఖనిలో అనారోగ్యానికి గురైన కాంగ్రెస్ కార్పొరేషన్ఏరియా ప్రెసిడెంట్బొంతల రాజేశ్ను పరామర్శించారు. రామగుండం లయన్స్క్లబ్ ఆధ్వర్యంలో గోదావరిఖని లక్ష్మీనగర్లో పేదలకు టిఫిన్ పంపిణీ చేశారు.
విద్యార్థులు టెక్నికల్ స్కిల్స్ పెంచుకోవాలి..
విద్యార్థులు టెక్నికల్ స్కిల్స్, ఇన్నోవేటివ్స్పిరిట్ పెంచుకోవాలని పెద్దపల్లి ఎంపీ గడ్డం వంశీకృష్ణ సూచించారు. పెద్దపల్లి జిల్లా కేంద్రంలోని ప్రభుత్వ ఐటీఐలో మంగళవారం ఏర్పాటు చేసిన కార్యక్రమంలో ఆయన పాల్గొన్నారు. ఈ సందర్భంగా ఐటీఐకి కాకా వెంకటస్వామి ఫౌండేషన్ ద్వారా 150 ఫైబర్కుర్చీలను అందజేశారు. అనంతరం ఆయన మాట్లా డుతూ.. టెక్నాలజీ మీద విద్యార్థులకు ఆసక్తి పెరిగేలా అధ్యాపకులు కృషి చేయాలని సూచించారు. ‘‘నేను చదువుకునే రోజుల్లోనే టెక్నాలజీ మీద ఆసక్తితో ఎలక్ట్రిక్ బైక్ తయారు చేశాను. ఇన్నోవేటివ్ స్పిరిట్ ఉన్న గ్రామీణ ప్రాంత విద్యార్థులకు నేను సహకారం అంది స్తాను.
మేం నిర్వహిస్తున్న అంబేద్కర్కాలేజీలో ఏటా 25 శాతం మంది విద్యార్థులకు ఫ్రీగా ఎడ్యుకేషన్అందిస్తున్నాం” అని తెలిపారు. ఈ సందర్భంగా కాలేజీ సమస్యలను సిబ్బంది వివరించగా.. విశాక ట్రస్టు, ఎంపీ నిధులతో ఐటీఐలో అన్ని సౌకర్యాలు కల్పిస్తానని ఎంపీ హామీ ఇచ్చా రు. అనంతరం విద్యార్థుల కోరిక మేరకు వాళ్లతో కాసేపు క్రికెట్ఆడారు. కాగా, సుల్తానాబాద్లో పోయినేడాది మృతి చెందిన మాజీ ఎమ్మెల్యే బిరుదు రాజమల్లు సంవత్సరీకం జరగనున్న సందర్భంగా, ఆయన కుటుంబసభ్యులను ఎంపీ వంశీకృష్ణ పరామర్శించారు.
