ఆదిలాబాద్ టౌన్, వెలుగు: మహిళా సంఘాలను ఆర్థికంగా బలోపేతం చేయడమే కేంద్ర, రాష్ట్ర ప్రభుత్వాల ముఖ్య ఉద్దేశమని అందులో భాగంగానే మహిళా శక్తి క్యాంటీన్లు ఏర్పాటు చేసినట్లు ఎంపీ గోడం నగేశ్ అన్నారు. ఆదిలాబాద్పట్టణంలోని ఓల్డ్మున్సిపల్ కార్యాలయంలో ఏర్పాటు చేసిన మహిళా శక్తి క్యాంటీన్ను బుధవారం కలెక్టర్రాజర్షి షా, మున్సిపల్ చైర్మన్ జోగు ప్రేమేందర్తో కలిసి ప్రారంభించారు.
అనంతరం రిమ్స్లో, పొచ్చర జలపాతం వద్ద కలెక్టర్,ఎమ్మెల్యే అనిల్జాదవ్తో కలిసి క్యాంటీన్ను ప్రారంభించారు. మహిళలు ప్రభుత్వ పథకాలను సద్వినియోగం చేసుకొని ఆర్థికంగా అభివృద్ధి సాధించాలని కోరారు. కార్యక్రమంలో మున్సిపల్ కమిషనర్ఖమర్అహ్మద్, అధికారులు, నాయకులు పాల్గొన్నారు.
క్రీడాకారులు జాతీయ స్థాయిలో రాణించాలి
జిల్లాలోని గ్రామీణ క్రీడాకారులు జాతీయ స్థాయిలో రాణించాలని ఎంపీ నగేశ్ఆకాంక్షించారు. ఆదిలాబాద్పట్టణంలోని మహాత్మ జ్యోతిబాపూలే జూనియర్ కాలేజీలో ఏర్పాటుచేసిన ఉమ్మడి జిల్లా స్థాయి క్రీడలను డీసీసీబీ చైర్మన్అడ్డి భోజారెడ్డితో కలిసి ప్రారంభించారు. జీవితంలో గెలుపోటములు సహజమని, క్రీడాస్ఫూర్తితో ముందుకుసాగాలన్నారు. ఉమ్మడి జిల్లాలోని 13 పాఠశాలకు సంబంధించిన క్రీడాకారులు ఈ పోటీల్లో పాల్గొంటున్నారని ప్రిన్సిపాల్ కీర్తి తెలిపారు. కార్యక్రమంలో ఆర్సీవో రాథోడ్ గోపీచంద్, కౌన్సిలర్ పవన్ నాయక్ తదితరులు పాల్గొన్నారు.
