- పోలీసులపై దాడి చేసుడేంది: ఎంపీ మల్లు రవి
హైదరాబాద్, వెలుగు: హైదరాబాద్ కు ఐటీ కంపెనీలు,పెట్టుబడులు రాకుండా బీఆర్ఎస్ కుట్రలు చేస్తోందని కాంగ్రెస్ ఎంపీ మల్లు రవి ఆరోపించారు. ప్రభుత్వ వ్యతిరేక విధానాలు ఉంటే ప్రశ్నించాలి కానీ, పోలీసులపై దాడి చేయడం ఏమిటని ఆయన మండిపడ్డారు.
బీఆర్ఎస్ దౌర్జన్యాన్ని ఖండిస్తున్నట్టు శుక్రవారం ఆయన ఓ ప్రకటనలో తెలిపారు. బీఆర్ఎస్ నాయకులు వాళ్లలో వాళ్లే కొట్లాడుకొని శాంతి భద్రతలకు విఘాతం కలిగిస్తున్నారని, వారు నిర్మాణాత్మకమైన ప్రతిపక్ష పాత్ర పోషించట్లేదని ఫైర్అయ్యారు.
బీఆర్ఎస్ నాయకుల మాటలు దయ్యాలు వేదాలు వల్లించినట్టు ఉన్నాయన్నారు. వాళ్ల హయాంలో కాంగ్రెస్, టీడీపీ ఎమ్మెల్యేలను బీఆర్ఎస్ లో చేర్చుకొని మంత్రి పదవులు ఇవ్వలేదా? అని ఆయన ప్రశ్నించారు.
