కల్వకుర్తి, వెలుగు: తన త్యాగాన్ని కాంగ్రెస్ పార్టీ మర్చిపోదని, నాగర్ కర్నూల్ ఎంపీ టికెట్ఇస్తుందని కేటాయిస్తుందని -మాజీ ఎంపీ మందా జగన్నాథం ఆశాభావం వ్యక్తం చేశారు. శుక్రవారం ఆయన కల్వకుర్తిలో మీడియాతో మాట్లాడారు. బీఆర్ఎస్నియంత పోకడలు, అవినీతి, నిర్లక్ష్యపు పాలనను తట్టుకోలేకనే, రాష్ట్ర ప్రజలు అసెంబ్లీ ఎన్నికల్లో కాంగ్రెస్ కు స్పష్టమైన మెజారిటీ ఇచ్చారన్నారు.
బీఆర్ఎస్అధిష్ఠానం సొంత పార్టీ నేతలనే అవమానించిందని, హామీలు నెరవేర్చకుండా మాటలతో మభ్యపెట్టే ప్రయత్నం చేసిందని విమర్శించారు. తట్టుకోలేకనే ఢిల్లీలో బీఆర్ఎస్ అధికార ప్రతినిధిగా ఉన్న తాను, రాజీనామా చేసి కాంగ్రెస్ లో చేరానని గుర్తుచేశారు. ఆయన వెంట నాగర్ కర్నూల్జిల్లా పరిషత్ వైస్ చైర్మన్ బాలాజీ సింగ్, నాయకులు ఆనంద్ కుమార్, సుదర్శన్ రెడ్డి, అశోక్ రెడ్డి, శ్రీకాంత్, వెంకటేశ్, సంతు యాదవ్ తదితరులు పాల్గొన్నారు.
