ముషీరాబాద్, వెలుగు: రాష్ట్రంలో బీసీ కులగణన చేపట్టాలని, స్థానిక సంస్థల ఎన్నికల్లో బీసీల రిజర్వేషన్లను 50 శాతానికి పెంచాలని బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్.కృష్ణయ్య డిమాండ్ చేశారు. ఆ తర్వాతనే ఎన్నికలు నిర్వహించాలన్నారు. జూన్నెలాఖరున స్థానిక సంస్థల ఎన్నికలు జరుపుతామని సీఎం రేవంత్రెడ్డి ఇప్పటికే ప్రకటించారని, ఎన్నికల మేనిఫెస్టోలో ఇచ్చిన హామీ ప్రకారం 50 శాతం రిజర్వేషన్లు కల్పించాలని కోరారు. ఈ మేరకు బుధవారం ఆయన సీఎంకు లెటర్రాశారు. బీసీల రిజర్వేషన్లను 50 శాతానికి పెంచకుంటే ఎన్నికలు జరగనివ్వబోమని హెచ్చరించారు. 2019లో బీసీ రిజర్వేషన్లను 34 నుంచి 22 శాతానికి తగ్గించడంతో, బీసీలకు తీవ్ర అన్యాయం జరిగిందన్నారు. ఎన్నికలకు వెళ్లే ముందు అన్ని అంశాలను దృష్టిలో పెట్టుకోవాలని సూచించారు.
