సంగారెడ్డి: ప్రస్తుత రాజకీయాలు ఏమాత్రం బాగోలేవని, ఒకానొక దశలో రాజకీయాల నుంచి తప్పుకోవాలని అనుకున్నానని బీఆర్ఎస్ వర్కింగ్ ప్రెసిడెంట్ కేటీఆర్ చేసిన వ్యాఖ్యలకు ఎంపీ రఘునందన్ రావు కౌంటర్ ఇచ్చారు. 2024, నవంబర్ 1న సంగారెడ్డిలో రఘునందన్ రావు మీడియాతో మాట్లాడుతూ.. రాజకీయాల నుండి తప్పుకోవాలని ఉందని కేటీఆర్ అన్నారు.. మరీ ఆయన రాజకీయాలు మానేస్తానంటే ఎవరూ వద్దన్నారని ప్రశ్నించారు. రాజకీయాలు బంద్ చేసి.. అమెరికా వెళ్లి బాత్ రూంలు కడుక్కో అంటూ ఘాటు వ్యాఖ్యలు చేశారు. పాదయాత్ర చేస్తానన్న కేటీఆర్ కామెంట్స్పైన రఘునందన్ రావు రియాక్ట్ అయ్యారు.
అధికారంలో ఉన్న పదేళ్లు కేటీఆర్ ప్రజలను కలిసే సమయం దొరకలేదు. అధికారం పోగానే పాదయాత్ర చేస్తానంటున్నాడని విమర్శించారు. కేటీఆర్ పాదయాత్ర ప్రజల కోసం కాదని.. డబ్బు, అధికారం, ఫామ్ హౌస్ కోసమన్నారు. కాంగ్రెస్ పాలనతో మీకు పది నెలల్లోనే విసుగొస్తే.. అదే పాలన చేసిన మిమ్మల్ని పదేళ్లు ప్రజలు ఎలా భరించారని నిలదీశారు. మీ నాన్న 10 నెలలుగా ఫామ్ హౌస్లో ఉన్నారు.. తెలంగాణ ప్రజలకు ఏమైనా నష్టం జరిగిందా అన్న రఘునందన్ రావు.. కేటీఆర్ పాదయాత్ర కాదు.. మోకాళ్ళ యాత్ర చేసిన ప్రజలు విశ్వసించరని ఎద్దేవా చేశారు.
కేటీఆర్కు తన నాన్న, చెల్లె, బావతో పాటు ఎవరిపై నమ్మకం లేదన్నారు. కేటీఆర్ బామ్మర్ది ఫామ్ హౌస్ కేసులో పాలేవో.. నీళ్ళేవో తెలాలంటే సీసీ ఫుటేజ్ బయట పెట్టాల్సిందేనని డిమాండ్ చేశారు. తెలంగాణలో ఆడవాళ్లు తాగుతారని కోరుట్ల ఎమ్మెల్యే సంజయ్ అంటున్నారు.. తెలంగాణలో ఎక్కడైనా ఆడవాళ్లు తాగుతారా అని ప్రశ్నించారు. దీపావళికి బజార్లలో బాంబులు పేలాయి కానీ పొంగులేటి చెప్పిన కుక్క తోక పటాకులు కూడా పేలలేదని మంత్రి పొంగులేటి కామెంట్స్పై సెటైర్ వేశారు.
