కౌడిపల్లి, వెలుగు: స్టూడెంట్స్బాగా చదివి పీఎం నరేంద్ర మోదీ కన్న కలలు నేరవేర్చాలని ఎంపీ రఘునందన్ రావు అన్నారు. మంగళవారం కౌడిపల్లి మండలం కంచన్ పల్లికి చెందిన పట్లూరి ఫౌండేషన్ ట్రస్ట్ సభ్యులైన పట్లూరి బాలకిషన్ రావు, నిమ్మాద్రి రావు, తిరుపతిరావు స్కూల్లో మౌలిక వసతుల కల్పనకు రూ..60 లక్షలు సాయంగా ప్రకటించారు. ఈ కార్యక్రమానికి ముఖ్య అతిథిగా హాజరైన ఎంపీ మాట్లాడుతూ.. 2047 వరకు దేశానికి స్వాతంత్ర్యం వచ్చి వందేళ్లు అవుతుందని అప్పటివరకు దేశం విశ్వ గురువు అవుతుందన్నారు. స్టూడెంట్స్తమకు నచ్చిన రంగంలో రాణించి స్కూల్, గ్రామానికి మంచి పేరు తీసుకువస్తే గుర్తింపు ఉంటుందన్నారు.
టీచర్లు ఆడపిల్లల విద్యకు ప్రాధాన్యం ఇవ్వడంతోపాటు మాతృభాషను గౌరవించేలా చూడాలన్నారు. తాము చదువుకున్న స్కూల్కు, గ్రామానికి అభివృద్ధి చేయాలన్న సంకల్పంతో ముందుకు వచ్చిన పట్లూరి ఫౌండేషన్ ట్రస్ట్ సభ్యులను ఎంపీ అభినందించారు. బీజేపీ జిల్లా అధ్యక్షుడు గడ్డం శ్రీనివాస్, నాయుకులు మురళీ యాదవ్, రాజేందర్, రాకేశ్, అశోక్, డీఈవో రాధా కిషన్, ఎంఈవో బాలరాజ్ పాల్గొన్నారు.
