దుబ్బాక, వెలుగు : విద్యార్థులు కార్పొరేట్ విద్యా మోజులో పడి మోసపోవద్దని, ప్రభుత్వ బడుల్లోనే నాణ్యమైన విద్య లభిస్తుందని ఎంపీ రఘునందన్రావు అన్నారు. సోమవారం మిరుదొడ్డి మండల కేంద్రంలో సంకల్ఫ్సేవా ఫౌండేషన్, ఎస్ఆర్కే ట్రస్ట్ఆధ్వర్యంలో పదో తరగతి విద్యార్థులకు పరీక్ష ప్యాడ్లు, పెన్నులు అందజేశారు. ఈ సందర్భంగా ఎంపీ మాట్లాడుతూ విద్యార్థులు కష్టపడి కాకుండా ఇష్టపడి చదవాలని సూచించారు.
ఒక లక్ష్యాన్ని ఎంచుకొని ఆ దిశగా ముందుకు సాగాలన్నారు. స్వామివివేకానంద చెప్పినట్లుగా దేశ భవిష్యత్ తరగతి గోడల మధ్య నిర్ణయించబడుతుందన్నారు. వివేకానంద అడుగు జాడల్లో ప్రతిఒక్కరూ నడవాలని చెప్పారు. బలవంతపు చదువులు కాకుండా ఏకాగ్రతతో చదివి వంద శాతం ఉత్తీర్ణత సాధించాలన్నారు. అత్యంత చిన్న వయస్సులోనే సాంఘిక సంక్షేమ హాస్టల్లో ఎవరెస్ట్శిఖరాన్ని అధిరోహించిన ములావత్ పూర్ణను విద్యార్థులు ఆదర్శంగా సూచించారు. తల్లిదండ్రులు, గురువులను ప్రతిఒక్కరూ గౌరవించాలని తెలిపారు.
