పెద్దపల్లి, వెలుగు: తల్లిదండ్రులను కోల్పోయిన చిన్నారులకు పెద్దపల్లి ఎంపీ గడ్డం వంశీకృష్ణ, చెన్నూర్ఎమ్మెల్యే వివేక్ వెంకటస్వామి ఆర్థిక సాయం చేశారు. పెద్దపల్లి జిల్లా కాల్వ శ్రీరాంపూర్ మండలం ఆశన్నపల్లికి చెందిన మంద ఐలయ్య ఏడు నెలల కింద అనారోగ్యంతో చనిపోగా.. రెండు రోజుల కింద అతని భార్య భాగ్య కూడా మృతిచెందింది. దీంతో వారి కొడుకు అభిలాష్, కూతురు మనీష అనాథలయ్యారు.
ఈ విషయమై గ్రామానికి చెందిన మంద అన్వేష్, మాజీ సర్పంచ్ వెంకన్న మంగళవారం ఎంపీ, ఎమ్మెల్యే దృష్టికి తీసుకెళ్లారు. స్పందించిన వారు పిల్లలకు రూ. 10 వేలు ఆర్థిక సాయం పంపించారు.
