ఇండోర్: కొడుకు వరసయ్యే దగ్గరి బంధువుపై ఆస్తి కోసం ఫేక్ రేప్ కేసు పెట్టడంతోపాటు కోర్టుకు తప్పుడు ఎవిడెన్స్ సమర్పించిన ఓ మహిళకు పదేండ్ల కఠిన జైలు శిక్ష పడింది. భూమిని కాజేసేందుకు రేప్ నాటకమాడిన ఆ మహిళ కటకటాలపాలైంది. మధ్యప్రదేశ్లోని దెవాస్ జిల్లా బరోద గ్రామానికి చెందిన సీమా బాయి సింగ్(45) వితంతువు. తన భర్త సోదరుడి భూమిలో వాటా కోసం ప్రయత్నిస్తున్న ఆమె.. అందుకోసం అతడి కొడుకుపై రేప్ కేసు పెట్టింది. వితంతువు అయిన తనపై అతను అత్యాచారానికి పాల్పడినట్లు 2017 జూన్ 3న పోలీసులకు ఫిర్యాదు చేసింది.
పోలీసులు కేసు నమోదు చేసి.. నిందితుడిని 2019లో కోర్టులో ప్రొడ్యూస్ చేశారు. కేసును విచారించిన కోర్టు తప్పుడు ఆరోపణలతో ఫేక్ఎవిడెన్స్ సమర్పించినట్లు భావించి ఆమెపై ఐపీసీ సెక్షన్182, 211, 195 సెక్షన్ల కింద కేసు నమోదుకు ఆదేశించింది. తర్వాత కేసు దెవాస్ జిల్లా సెషన్స్ కోర్టుకు మారింది. తాజాగా సెషన్స్ కోర్టు సీమాబాయిని దోషిగా తేల్చింది. ఆమెకు పదేండ్ల కఠిన జైలు శిక్ష, రూ.2 వేల జరిమానా విధిస్తూ తీర్పు చెప్పింది.
