అచ్చంపేట, వెలుగు : అచ్చంపేట నియోజకవర్గంలో బీఆర్ఎస్ పార్టీకి గట్టి ఎదురు దెబ్బ తగిలింది. బల్మూర్ ఎంపీపీ అరుణతో పాటు జడ్పీటీసీ లక్ష్మమ్మ, లింగాల జడ్పీటీసీ నేజమ్మ, బల్మూరు మండల బీఆర్ఎస్ పార్టీ మాజీ అధ్యక్షుడు చుక్కారెడ్డి, నరసింహ తదితరులు సోమవారం రాత్రి హైదరాబాద్లో మంత్రి జూపల్లి కృష్ణారావు, ఎమ్మెల్యే వంశీకృష్ణ సమక్షంలో కాంగ్రెస్ పార్టీలో చేరారు.
నల్లమల ప్రాంత అభివృద్ధి కోసం కాంగ్రెస్ పార్టీలో చేరినట్లు వారు తెలిపారు. ఈ సందర్భంగా మంత్రి మాట్లాడుతూ ప్రభుత్వ పథకాలను ప్రజల్లోకి తీసుకెళ్లడంతో పాటు పార్టీ బలోపేతం కోసం కృషి చేయాలని సూచించారు. కాంగ్రెస్ నేతలు వెంకట్ రెడ్డి, గిరివర్ధన్ గౌడ్ ఉన్నారు.
