IPL 2024: చెన్నై చేరుకున్న ధోనీ.. ఎంట్రీ అదిరిపోయిందిగా

ఇండియన్ ప్రీమియర్ లీగ్ కొన్ని రోజుల్లో ప్రారంభం కానుండగా ఇప్పుటి నుంచే ఆటగాళ్లు ప్రాక్టీస్ మొదలుపెట్టేశారు. తాజాగా మంగళవారం (మార్చి 5) భారత మాజీ కెప్టెన్ మహేంద్ర సింగ్ ధోనీ చెన్నై చేరుకున్నాడు. 2024 సీజన్ కోసం ధోనీ చెన్నై జట్టును నడిపించనున్న సంగతి తెలిసిందే. ఈ దిగ్గజ వికెట్ కీపర్ బ్యాటర్ ఈ సీజన్ కోసం CSK ఆటగాళ్లతో కలిసి శిక్షణను ప్రారంభించనున్నాడు. ధోనీ ఇటీవలె అతని భార్యతో కలిసి గుజరాత్‌లోని జామ్‌నగర్‌లో అనంత్ అంబానీ, రాధిక మర్చంట్ ప్రీ వెడ్డింగ్ లో కనిపించి సందడి చేశాడు.

ఐదుసార్లు చెన్నై సూపర్ కింగ్స్ జట్టుకు IPL టైటిల్ అందించిన ధోనికి చెన్నైలో ఎలాంటి క్రేజ్ ఉందో ప్రత్యేకంగా చెప్పాల్సిన అవసరం లేదు. చెన్నై నగరానికి చేరుకున్న వెంటనే అతనికి భారీ రేంజ్ లో స్వాగతం లభించింది. అతన్ని మస్కట్ తో స్వాగతించి పుష్పగుచ్ఛాన్ని అందించారు. రుతురాజ్ గైక్వాడ్, రాజవర్ధన్ హంగర్గేకర్, ముఖేష్ చౌదరి, ప్రశాంత్ సోలంకి ఇప్పటికే చెపాక్‌లో శిక్షణను ప్రారంభించారు. మార్చి 2న వీరు ప్రాక్టీస్ క్యాంప్ ను ఏర్పాటు చేశారు.

Also Read: ఆ సమయంలో పుజారా ఎంతో సహాయం చేశాడు

2008 నుంచి చెన్నై సూపర్ కింగ్స్ జట్టును వదలని ధోని ఇప్పటివరకు 5 టైటిల్స్ అందించాడు. 2023 లో గుజరాత్ జయింట్స్ ను ఓడించి ఛాంపియన్ గా నిలిచిన సూపర్ కింగ్స్.. 2024 ఐపీఎల్ లో డిఫెండింగ్ ఛాంపియన్ గా బరిలోకి దిగుతుంది. మార్చి 22 న సీజన్ ప్రారంభ మ్యాచ్ లో రాయల్ చాలెంజర్స్ తో మ్యాచ్ తలపడుతుంది.