MS Dhoni: ఒకే చోట ఇద్దరు సూపర్ స్టార్లు: సల్మాన్ ఖాన్‌తో ధోనీ పుట్టిన రోజు వేడుకలు

టీమిండియా మాజీ కెప్టెన్ మహేంద్ర సింగ్ పుట్టిన రోజు ఆదివారం (జూలై 7) గ్రాండ్ గా జరిగింది. 1981లో జూలై 7 న జన్మించిన ధోనీ తన 43వ పుట్టినరోజును ముంబైలో జరుపుకున్నాడు. అనంత్ అంబానీ పెళ్లి వేడుకళకు హాజరైన మహేంద్రుడు.. ఇక్కడే కేక్ కట్ చేసి తన బర్త్ డే సెలెబ్రేషన్ చేసుకున్నాడు. ఈ వేడుకలో బొల్లి వుడ్ సూపర్ స్టార్ సల్మాన్ ఖాన్ హాజరవ్వడంతో ఈ పార్టీ ప్రత్యేకంగా నిలిచింది. సల్మాన్ ఖాన్ నల్ల చొక్కా, జీన్స్ ధరించి కనిపించాడు.

ధోనీ తన పుట్టిన రోజున కేక్ కట్ చేసి తన భార్య సాక్షికి తినిపించాడు. ఆ తర్వాత సల్మాన్ ఖాన్ కు కేక్ తినిపించడం జరిగింది. ఈ పుట్టినరోజు వేడుకలో భార్య సాక్షి భర్త ధోనీ పాదాలను తాకి నమస్కరించడం హైలెట్ గా మారింది. అక్కడ వేడుకలను గమనిస్తే మొత్తం మూడు కేక్ లు ఉన్నాయి. వీటిలో ఒకటి సల్మాన్ ఖాన్ తెచ్చినట్టు తెలుస్తోంది. ఒక కేక్ పై 7 అనే సంఖ్య రాసి ఉంది. ఈ కేక్ నే ధోనీ మొదట కట్ చేయడం విశేషం.

ధోనీ కెరీర్ విషయానికి వస్తే వచ్చే సీజన్ ఐపీఎల్ ఆడతాడో లేదో అనుమానంగా మారింది. 2024 ఐపీఎల్ సీజన్ లో ధోనీ కెప్టెన్సీ నుంచి తప్పుకున్నాడు. ఈ సీజన్ లో చెన్నై సూపర్ కింగ్స్ గైక్వాడ్ కెప్టెన్సీలో ప్లే ఆఫ్స్ కు చేరుకోవడంలో విఫలమైంది. ఈ ఏడాది మెగా ఆక్షన్ ఉండడంతో ధోనీ వచ్చే ఐపీఎల్ ఆడే అవకాశాలు తక్కువగా కనిపిస్తున్నాయి.