భారత మాజీ కెప్టెన్ మహేంద్ర సింగ్ ధోనీ టీమిండియాలోనే కాదు ఐపీఎల్ లో తనదైన ముద్ర వేశాడు. భారత జట్టుకు మూడు ఐసీసీ ట్రోఫీలను అందించిన మహీ.. ఇండియన్ ప్రీమియర్ లీగ్ లో చెన్నై సూపర్ కింగ్స్ జట్టుకు ఏకంగా 5 టైటిల్స్ అందించాడు. వీటితో పాటు రెండు ఛాంపియన్స్ ట్రోఫీలు కూడా మహేంద్రుడి ఖాతాలో ఉన్నాయి. కెప్టెన్ గా ఒక టైటిల్ గెలిస్తేనే ఆ అనుభూతి చెప్పలేనిది. అలాంటిది ధోనీ 10 కి పైగా మేజర్ ట్రోఫీలు అందించాడంటే కెప్టెన్ గా అంత సక్సెస్ ఫుల్ అనే విషయం అర్ధమవుతుంది.
ధోనీ జట్టులో ఉంటే ఎంత మేజర్ ట్రోఫీ అయినా గెలుస్తుందనే భరోసా అభిమానుల్లో ఉంటుంది. చెన్నై సూపర్ కింగ్స్ అభిమానులు ఈ విషయంలో ఎంతో అదృష్టవంతులు. అయితే ధోనీ బెంగళూరు జట్టుకు వస్తే ఎలా ఉంటుంది..? ఇదే ప్రశ్న ఒక ఆర్సీబీ ఫ్యాన్ మిస్టర్ కూల్ ని అడిగాడు. ఓ కార్యక్రమంలో పాల్గొన్న ధోనీని ఆర్సీబీ అభిమాని మీరు మా టీంలోకి వచ్చి మాకు టైటిల్ అందించాలని.. ఎలాగైతే చెన్నైకి ఐదు టైటిల్స్ అందించారో, మాకు ఒక టైటిల్ అందించండి అంటూ అమాయకంగా కోరాడు.
ధోనీ ఈ విషయంపై స్పందిస్తూ ఆ కుర్రాడు బాధపడకుండా తనదైన శైలిలో సమాధానం చెప్పాడు.ఐపీఎల్లో అన్ని టీమ్స్ బాగా ఆడతాయి. ఎప్పుడు ఏ టీం గెలుస్తుందో చెప్పలేం. ఆర్సీబీ మంచి జట్టు. ఇక్కడ గెలిచేందుకు ప్రతి టీమ్కూ ఛాన్స్ ఉంటుంది. ప్రస్తుతం నేను నా సొంత జట్టు గురించే ఆలోచిస్తున్నాను. ఏ టీంకైనా మంచి జరగాలని మాత్రమే కోరుకోగలను. నేను ఒకవేళ ఆర్సీబీ జట్టుకు సపోర్ట్ చేస్తే చెన్నై ఫ్యాన్స్ ఊరుకోరు. అని ధోనీ చెప్పుకొచ్చాడు.
MS Dhoni's response when one of the RCB fan asked Dhoni to come and support RCB to win a title.
— Johns. (@CricCrazyJohns) December 20, 2023
- This is ?pic.twitter.com/mcvlfrMBwI
