కరీమాబాద్, వెలుగు: వరంగల్ అండర్బ్రిడ్జి వద్ద ఏర్పాటు చేసిన ముక్తి పాలీ క్లినిక్ ను మంగళవారం ఐఎంఏ వరంగల్ ప్రెసిడెంట్ డాక్టర్ అన్వర్ ముఖ్య అతిథిగా హాజరై ప్రారంభించారు. ప్రపంచ మధుమేహ దినోత్సవం సందర్భంగా ముక్తి పాలీ క్లినిక్, కూరపాటి హాస్పిటల్ ఆధ్వర్యంలో ఉచిత మెడికల్ క్యాంపు నిర్వహించారు.
ప్రముఖ జనరల్ ఫిజిషియన్ డాక్టర్ లగిశెట్టి దీప ప్రస్తుత జీవన శైలిలో మార్పుల వల్ల పెరుగుతున్న మధుమేహా వ్యాధిపై అవగాహన కల్పించారు. కార్యక్రమంలో భాగంగా డయాబెటీస్పై ప్రజల్లో అవగాహన కోసం పోస్టర్ను ప్రముఖ డాక్టర్లు చంద్రమోహన్, ఆనంద్ భోక్రే, కూరపాటి రమేశ్, నరేశ్, కూరపాటి రాధిక, దశరథం, మహేశ్వర్, శివరామ ప్రసాద్, కే.సుధాకర్, వినయ్ బాబు ఆవిష్కరించారు.
