లక్నో: సమాజ్వాదీ పార్టీ(ఎస్పీ) వ్యవస్థాపకుడు ములాయం సింగ్ యాదవ్ నుంచి ఆయన చిన్న కోడలు అపర్ణా యాదవ్ బ్లెస్సింగ్స్ తీసుకున్నారు. ‘‘బీజేపీలో చేరిన తర్వాత లక్నోలో మామయ్య ఇంటికి వచ్చి ఆయన ఆశీస్సులు తీస్కున్నా” అని పేర్కొంటూ ఫొటోను ఆమె శుక్రవారం ట్విట్టర్లో షేర్ చేశారు. ఎస్పీని వీడిన తర్వాత తొలిసారి ములాయంను కలిసిన ఫొటో సోషల్ మీడియాలో వైరల్ అయింది. ఆమెను బీజేపీలో చేరకుండా ఆపేందుకు ములాయం ఎంతో ప్రయత్నించారని ఎస్పీ చీఫ్ అఖిలేశ్ యాదవ్ ఇదివరకే వెల్లడించారు. బుధవారం ఢిల్లీలో బీజేపీ మెంబర్షిప్ తీస్కున్న తర్వాత అపర్ణ మొదటిసారి లక్నోకు వచ్చారు. ఆమెకు ఎయిర్పోర్టులో పార్టీ కార్యకర్తలు గ్రాండ్ వెల్కమ్ చెప్పారు.
भारतीय जनता पार्टी की सदस्यता लेने के पश्चात लखनऊ आने पर पिताजी/नेताजी से आशीर्वाद लिया। pic.twitter.com/AZrQvKW55U
— Aparna Bisht Yadav (@aparnabisht7) January 21, 2022
